Call for papers/Ilanngutsikkumasanik nassiussueqqusissut:
Grønlands Erhverv (GE)/Sulisitsisut 19. – 29. maj 2026 qulissaa Nuummi Future Greenlandimik taallugu inuussutissarsiornermut atatillugu ataatsimeersuartitsissaaq.
Ataatsimeersuarnerit pinerit tamaasa katersuutsitsisumik ateqartinneqarlutillu pingaarnertut sammisaqartinneqartarput 2026-imilu ukkatarineqarniarpoq Kalaallit Nunaat Issittup ukiuani qulikkaajusumi. Taanna qulequtaq tunngavigalugu oqallisigisassatut saqqummiussassatullu qaqinneqarsinnaasut siammasissorujussuupput, soorlu Kalaallit Nunaata nunarsuarmi inissisimanerata soqutigineqarnera, Issittumi digital-inngorsaaneq, piujuaannartitsineq, siammasissuseq, nukissiuutit nutaat, AI , Inuiaqatigiinni innuttaasut inissisimanerat, suliffissaqartitsiviusut, politikkikkut niuernikkullu attavissat, tunisassiorfinni silffissuaqarfinnilu assigiinngitsuni naleqartitassat allarpassuillu.
GE Matumani soqutiginnittunut periarfissiivoq ilanngutsikkumasanik saniatigullu sammisassaq-qitsitanik sammisamut naleqqussorisanik tusarliussuinissamut.
Periarfissaqarpoq 2025-imi 1. september-iutinnagu uunga nassiussaqarnissamut ck@ga.gl.
Siunnersuutitut nassiunneqartut makku imarissavaat:
- Akisussaasuusup aqqa (tunuliaqutaa)
- Sammerusutaq ajornanngippat qulequtserlugu
- Imaritinniakkat nassuiarneri
- Qanoq ilusilimmik ingerlanneqarnissaannik takorluukkat (saqqummiussineq/ilisarititsineq, toqqakkanik peqataatitsilluni oqallitsitsineq il.il)
- Saqqummiisussap/-ssat aqqa/aqqi.
- Oqaatsit atorniakkat (kalaallisut, qallunaatut imaluunniit tuluttut oqaatsit)
Saqqummiussinerit 15-20 minutsinik sivisussuseqassapput oqallitsitsinerillu akunnernik 1,5-inik sivisussuseqarsinnaassallutik.
GE saqqummiussassanut piareersaanernut atatillugu aningaasartuutinik akiliussisinnaanngilaq kisiannili saqqummiussisut akeqanngitsumik isumasioqatigiissitsilluni ataatsimersuarnermi peqataatinnissaat isumagissallugu.
GE siunnersuutigineqartut akornanni itigartitsisinnaanermut/akuerinninngissinnaanermut periarfis-saqartitaassaaq.