FUTURE GREENLAND 2024

Kalaallit Nunaanni piujuaannartitsineq aallaavigalugu ingerlatsinermi periarfissaq – Sooq, Qanoq aammalu Suna?

Kalaallit Nunaanni inuussutissarsiornikkut ataatsimiinerit annersaannut, 14.-15. maj 2024, Katuaq, Nuuk

Nunarsuatsinni piujuaannartitsinissaq aallaavigalugu aaqqiinissanut ujartuisoqarpoq Kalaallit Nunaallu aaqqiissutinut arlalinnut tunniussaqassalluni inissisimalluarpoq. Kisiannili Kalaallit Nunaanni periarfissat suunuku, inuussutissarsiummik ingerlatsinermi inuuniuteqarnermilu piujuaannartitsineq aallaavigalugu ingerlatsinissaq sooruna eqqarsaatigisariaqaripput, aammalu qanoruna Kalaallit Nunaanni periarfissaasut aallaavigalugit, nunarsuatta sinnerani ujartorneqartut sumiiffitsinni periusitsinnut aammalu niuernikkut pisariaqartinneqartunut ilaliunniaripput?

Future Greenland 2024 aammaarluni nunarsuatta sinneranut soqutigisalinnut aammalu Kalaallit Nunaanni avataaneersunillu isummanik pilersitsisartunut matut ammarnialerpaat, Kalaallit Nunaanni inuuneq inuussutissarsiornerlu siunissaat eqqartorniarlugu taamatuttaarlu Kalaallit Nunaata piujuaannartitsinermik aallaavilinnik tunngavileeqataasinnaanera sammineqassalluni.

Siunertaq

Sulisitsisut kissaatigaat ataatsimiinnerup nunatta ineriartonera pillugu inuiaqatigiit oqallinnerat sakkortunerusumik ataatsimoorluni paasinninnikkut kisartussagaa pisarialimmik aningaasarsiornikkut ineriartortoqarsinnaanngitsoq peqqissumik inussutissarsiornikkut ingerlataqanngikkaanni, suliffeqarfiit privatit amerlanerusut annertunerusumillu avammut nioqquteqarnikkut. Taanna oqallinneq kattuffinnik amerlasuunik suliniuteqartunillu inuiaqatigiillu akornanni siammasissumik peqataatitinermik piumasaqaatitaqarpoq.

Aningaasarsiornikkut ineriartortisineq politikkikkut aaqqissuusseqinnermik pisariaqartitsivoq, pilerinartumik inuussutissarsiornerneq pillugu nipilimmik. Iluatsinngippat taava innuttaasut amerlasuut annertunerujartuinnartummillu inuiaqatigiit atugarissaarnissamut piumasaqaataat akilersinnaanngilagut, aamma politikkikkut qanoq kiffaanngissuseqarlunik sulinissaq minnerulissaaq. Sulisitsisut inuussutissarsiornermut poliktikkip politikkikkut oqallinnermik pitsaanerusumik inissinnissaanut sulissutigaa tassani “atugarissaarnermut politikki” kiisalu innuttaasut pitsaanerusumik annertunerusumillu pisortat tungaanniit sulinneqarnissaminnik kissaataat oqallinnermi annertunerulersarput aningaasat sumit pissanersut pinnagit.

Politikkikkut sinaakkutissatut piumasaqaatit eqqortut aamma inuussutissarsiornikkut ineriartortitsinermut takorluugaq ersarissoq piginngikkaanni taava aningaasaliinissamut kajumissuseq sulerussussusermillu pilersitsineq ajornarpoq. Aamma suleqatigiinnerit patajaatsut kalaallillu nunanillu allanit suliffeqarfiit suleqatigiinnerisigut pisinnaassuseq pisinnaasallu pigilinernissai qulakkerneqassapput maani pigilerneqarsinnaanngitsut. Ataatsimiinnermi avammut nunarsuarmut isigineq anguniassallugu pingaaruteqarpoq taamaatumillu Sulisitsisut aamma 2024-imi suliniuteqartut amerlanerit qaaqquaat, illugiillutik Kalaallit Nunaannik qaninnerusumik suleqateqarnissamik pitsaasumik takunnissinnaasunik – politikkip inuussutissarsiornerullu tungaasigut.