Saqqummiisussat
Aaja Issittumik qinikkat sinniisaannut siulittaasuuvoq aammalu Folketingimi ilaasortaalluni 2015-imili IA sinnerlugu. Siusinnerusukkut Inatsisartuni ilaasortaalluni, Meeqqanut Oqaaseqartartuusimalluni, Kommuneqarfik Sermersuumi pisortaasimalluni aammalu Immikkut ilisimasalittut ilaasortaalluni (Associate Expert) FN-imi New York-imiittumi.
Anja Hynne Nielsen Kalaallit Nunaanni inuit innarluutillit sinnerlugit Tilioq, nuna tamakkerlugu soqutigisaqaqatigiit politikkikkut attuumassuteqanngitsut Naalakkersuisut 2017-imi pilersitaat, aqqutigalugu oqaaseqartartuuvoq.
Anja Hynne Nielsen oqalugiartartutut bacheloritut issittumilu ilisimasanik kandidatitut ilinniagaqarpoq, kulturimik siammarterinermik tusagassiornermillu saniatigut ilinniarsimasuulluni. Anja siornatigut Inatsisartuni allaffimmiutut atorfeqarsimavoq. Greenland Tourismimi pikkorissartitsinermut allattoqarfimmi akisussaasuusimavoq kiisalu suliniummik suliaqartartuullunilu ilinniartitaanermi siunnersortiusimalluni. Kalaallit Nunaanni peroriartorsimavoq meeraallunilu illoqarfinni nunaqarfinnilu arlalinni najugaqarsimalluni kalaallisullu ilinniarnini ingerlassimallugu.
Innarluutillit illersuisuata suliassaraa inuiaqatigiinni innarluutillit soqutigisaannik isumaginninnissaq siuarsaanissarlu FN-ip inuit innarluutillit pisinnaatitaaffii pillugit isumaqatigiissutaa aallaavigalugu. Anjap inuit innarluutillit atugaat soqutigingaarpai, takorluugaalu tassaavoq inuit ersittumik ersinngitsumillu innarluuteqartut inuiaqatigiinnut ilanngunneqarnissaat kiisalu assigiinngissutsinik paasinninnissaq ataqqinninnerlu sulissutigalugit. Tilioq suleqataassaaq, ilisimasanik katersuisarfeqassaaq aamma tunisassiortussaassaaq, qulakkeerniarlugulu inuit innarluutillit pisinnaatitaaffiisa nalinginnaanerulernissaat politikkimullu tamarmut akulerunneqarnissaat nunami kommunimilu.
Aqqalu Jeremiassen Atassut sinnerlugu Inatsisartunut kommunalbestyrelsemullu ilaasortaavoq, partiimullu siulittaasuulluni.
Aqqalu serviceøkonomitut ilinniarsimavoq takornariaqarneq immikkut sammisaralugu. Ilulissat Water Safari takornariaqarnermik sammisaqartumut piginneqataanikuuvoq.
2017-imi kommuneqarfimmut qinersisoqarmat Avannaata Kommunianut Atassut sinnerlugu kommunabestyrelsemut ilaasortanngorpoq. 2021-mi kommunenut qinersisoqarmat qinigaaqqippoq. Tamakku saniatigut aamma viceborgmesteritut inissisimafeqarsimavoq.
2018-imi Inatsisartunut qinersisoqarmat qinigaavoq. Qinersinerup kingorna Kim Kielsen naalakkersuisooqatgiiinnik pilersitseqataaffigaa, naalakkersuisoqatigiillu tulleriit marluk nalaanni niuernermut nukissiuuteqarnermullu naalakkersuisuuvoq. 2019-imi Sivert K. Heilmann Atassumi siulittaasutut kingoraarpaa.
Aviâja Lyberth Hauptmann (arnaq inuk Kitaamioq) professorimut ikiortaavoq Ilisimatusarfimmi – Grønlands Universitet, aammalu Københavnip Universititiitiani. Aviaaja suliaraai pinngoqqaatinik ilisimasaqarnerulernissanik, kulturikkut aammalu inuiaqatigiinnut pingaarutilinnik Kalaallit Nunaani nerisatigut pigisatsinnik pingaartitsisuulluni aammalu Kalaallit Nunaanni uumaatsunik ilisimatuussutsikkut ilinniarsinnaanermik siullerpaamik inerisaalluni: Sila biologiimi bacheloriulluni.
Britta Keldsen inatsisilerituujullunilu Arctic Law-mi partner’tut inissisimavoq, inuussutissarsiornermi pisinnaatitaaffiit pingaarnertut suliaralugit, Kalaallit Nunaanni nunaqavissut aammalu nunat tamalaat akornanneersunik sullitaqarluni. Britta namminersorluni suliffiuteqarneq 2012-miilli ingerlatarilerpaa taavalu 2010-miit inatsisilerituutut ingerlasimalluni. Britta Kalaallit Nunaanni inuussutissarsiornermi soqutigisaliuvoq, suliffeqarfiit Kalaallit Nunaanneersut siulersuisuini ilaasortaalluni taassumallu avataasigut nunatsinneersut Naligiissitaanermut Siunnersuisooqatigiit, Kalaallit Nunaanni suiaassutsikkut naligiissitaanerunissamik suliaqartuni, siulittaasuulluni.
Chris Barton Ataqqinartorsuup Kunngip Charles-ip niuffannermut Europami kommisærerivaa akisussaaffigalugit niuffanneq aningaasaliissutillu Tuluit Nunaata europamilu nunat allat Israel-illu akornanni. Aggustimi 2021-imi tassani sulilluni aallartissimavoq.Ataqqinartorsuup Kunngip Charles-ip Europami Niuffannermut kommisæriatut ivertinneqanngikkallarami, gymnasiami ilinniartitsisutut ukiuni tallimani sulisimavoq, taassumalu kingorna ukiuni 15-ini pisortat aqutsisoqarfiini sulisimalluni. Qaffasissumik atorfilittut assigiinngitsuni arlalinni imikkoortortaqarfinni inuussutissarsiornermut nukissiornermut aamma nunanut allanut ministeriaqarfinni sulisimavoq.
Corinne Sandberg EDF-imi nunani tamalaani immikkoortortaqarfimmi Europami Asiamilu Qiterlermi ineriartortitsinermut pisortaavoq. Afrikami erngup nukinganik nukissiorfiliornissamik suliniummik qanittukkullu Uzbekistanimi nukissiuutinik allanngortiterinissamut iluaqutaasumik innaallagissiorfimmik kissarsuutitalinnik ineriartortitsinermik aqutsisimavoq.
Ukiuni 25-ni EDF-imi sulinermini assigiinngitsunik atorfeqarsimavoq, ilaatigut suliffeqarfissuarmi navianaateqartunik aqutsisutut aamma pigisanik katitigaasunik pitsaanerpaamik ingerlatsisutut.
Frankrigimi ingeniørinngorniat ilinniarfianni Centrale-Supélec-imi aamma Trium Executive MBA-mi (HEC, London School of Economics, New York Stern) ilinniagaqarpoq.
Elizabeth februaarimi 2023-miilli Irlandip Danmarkimi aallartitaatut atorfeqarsimavoq. Siusinnerusukkut Londonimi, Parisimi, New Yorkimi (FN) Wienimilu (OSCE) sulisimavoq, nunanullu allanut ministeriaqarfimmi Dublinimiittumi immikkoortortaqarfinni arlalinni sulisimalluni ministeriunerup allaffiani EU-mut pisortaasimalluni.
Elna 1. januar 2022 aallarnerfigalugu IMAK siuttuuffiginikuuaa.
Maniitsumi inunngorlunilu peroriartorpoq ilinniartitsisutullu 1996-mi naammassilluni.
Ilaatigullu ukiut 15-nik Atuarfik Kilaaseeraq Maniitsumiittumi atuarfiup pisortaatut atuuffeqarsimalluni.
Emile Hertling Péronard filmiliortartuuvoq Oscar-innersuunneqarnikoq, saqqummersitsiviit Ánorâk Film aamma Polarama Greenland peqatigalugit nunatsinneersunik filmiliorsimasut taakkulu filmfestivalinut soorlu Cannes, Venedig, Berlinale aamma Sundance. Ukiut qulit sinnerlugit nunatsinni filmiliortarnerup silarsuaa pitsaanerusunik atugassaqalernissaa sulissutigisimavaa, aammalu Arctic Indigenous Film Fund aamma ARTEF – The Anti-Racism Taskforce for European Film siulersuisuiniilluni.
Emma 2020-miilli naalagaaffeqatigiiffitsinni tuluit nunanut allanut aallartitaatut sulisimavoq. Danmarkimi toqqagaanermi sioqqullugu Bulgariami aamma nunanut allanut aallartitaasimalluni. Inatsisilerituutut ilinniarsimasuuvoq ilaatigullu aamma nunassittarnermut, nunassikkallarnernut, EU-pisinnaatitaaffiit pisullu qanimut malinnaaviaglugit, nunat tamalaat akornanni pillaanermut pisinnaatitaaffiit, aaqqissuussaasumik pinerluttulerinerit aammalu arnanut persuttaanerit suliarisarsimallugit.
Eva Skeel Nolsø aqutsisutut misilittagaqarluarpoq piujuartitsineq, tuniniaasarneq aamma aaqqissuussaanermik ineriartortitsineq immikkut sammisarlugit. Føroya Telemi tunisassianik ineriartortitsinermi, tuniniaanermi sulisoqarnermullu tunngatillugu misilittagaqarnermigut suliffeqarfimmik iluatsittumik ingerlatsivoq. Eva Copenhagen Business Schoolimi Business Administration and Psychology-mi cand.mag.-itut ilinniagaqarsimavoq aningaaserivinnilu sulisimasimalluni, taamaattumillu ilinniarsimassutsikkut misilittagaqarluarlunilu aqutsisutut misilittagaqarluarpoq.
Frederikke Antonie Schmidt suliffeqarfik roccamore pilersitaraa, nunarsuatsinni arnat nukittuneralutik inissisimalernissaannut ilaatigut anguniagaqarluni. Roccamore kimmikkaanik kusanartunik sanasarpoq, timi pissusaanut tulluuteqqissaartunik kimmilersukkanik. Italiami assaannarmik sanaat aammalu Hvidovre Napparsimaviani ilisimatuussutsikkut misilittarneqartartunik.
Roccamore december 2014-mi aallartippoq, nittartakkatigut Kickstarter aqqutigalugu nittarsaassinermigut 306-it skuut illugiit akigalugit. 2021-mi roccamore 30.000-nik illugiinnik akigisaqarsimavoq taamaasillunilu E-niuernikkut akissarsitinneqartartumik ajugaalluni, B2C suliffeqarfittut pitsaanerpaatut 100mio. Ataallugit, taamatuttaarlu Børsen Gazelle aammalu Gazelle immikkoortortami Københavnimi aamma ajugaalluni.
Frederikke aamma ByFounders Collective Kolding Designskole-aniit aallartitatut issiavoq, 2021-milu naalakkersuisuniit Mode og Tekstil eqeersaqqinnissaanut eqimattami siulittaasuusimalluni.
Siu-Tsiu-mi pisortaq.
Siornatigut Grennessmindemi isumaginninnikkut aningaasarsiornikkullu suliffeqarfimmi pisortaasimasoq.
Ukiorpassuarni tusagassiortutut kingusinnerusukkullu pisortaanertut, siulersuisuni ilaasortaasutut MBA-tullu sulisimavoq.
Inaluk Brandt kalaallini siunnersuisarfimmi VisioBox ApS-imi pisortaallunilu siunnersortiuvoq, taanna aqutsinermik aaqqissuussaanermillu ineriartortitsinermik suliaqarpoq. Inaluk aamma siulersuisuni ilaasortaasarpoq, tassanilu siulersuisuni marlunni ilaasortaavoq ukiorpassuarnilu taamaasiorsimalluni. Pisortani atorfeqarlunim namminersortunillu ingerlatsivimmi sulisimanini misilittagarisimavaa, niuernikkut periusissianik piujuartitsisumik inuiaqatigiinnullu tunngasunik eqqarsaatiginninnernut ataatsimoortitsigami. Taanna piumassuseqartuuvoq ineriartorneq siuariartornerlu pinissaa pillugu, inuit tunngavigalugit — inuit tassaapput inerisaanermi atorneqartartut nukittuujusut pingaarnerpaallu — pinngortitamut, avatangiisinut inuiaqatigiinnullu ataqqinnilluni.
Inga Dóra G. Markussen tusagassiornerup silarsuaaneersuuvoq aammalu suliffiit assigiinngitsorpassuit aqqutiginikuullugit, ilaatigut aaqqissuussisutut tusagassiorfinni assigiinngitsuni, generalsekretæritut Nunat avannarliit killerni aammalu politikkikkut aqutsisutut Siumumi. Ullumikkut Air Greenland-imi suliffigalugu piujuaannartitsinissamik aammalu suliffeqarfimmit attaveqatigiinnermut akisussaasuulluni taaguuteqartinneqarlunilu Chief Sustainability Officer. Inga Dóra islandimiusut, Kalaallisut, qallunaatut aammalu tuluttut oqaluttarpoq.
Inooraq Brandt Rambøll Grønland A/S-imi pisortaanertut inissisimavoq, 2023-ilu aallarteriitsiartoq CSR Greenlandimi siulersuisunut ilaasortanngorpoq.
Inooraq arktisk ingeniøritut kandidateqarpoq geofysik aamma geteknik pingaarnertut sammisaralugit.
Jacob Nitter Sørensen Air Greenland Groupimi pisortaavoq. Jacob Nuummiuuvoq, ukiut 25-t sinnerlugit timersartortitsinermut tunngasunik suliaqarpoq, taakkunanilu ukiut 20-t Air Greenlandimiilluni. Ukioq 2000-mi suli inuusuttuulluni Air Greenlandimiilerpoq timmisartumi aquttutut, timmisartullu assigiinngitsut aquttuuffigereerlugit ilinniartitsinermi aqutsisuuvoq, timmisartortartuunertut, ingerlaarfissat aaqqissuuttarnerini pisortatut atorfeqareerluni 2017-imili maaji qaammat Air Greenland Groupimut pisortanngorpoq.
Nunanut Allanut Politikkeqarnermut Peqatigiiffik/Greenland Foreign Policy Society, siunertaraa nunanut allanut tunngasutigut apeqqutini ilisimasaqarnerulernissamik aammalu soqutiginninnerulernissamik qaammarsaanissamik. Peqatigiiffiup siunertaraa nunanut allanut- aammalu isumannaallisaanermut politikki aaqqissuunnissaa aammalu oqalliffiunissaa isumagissallugu, aammalu qulakkiissallugu oqalliffik ineriartortitsinermik imalik qulequtaanik taamaattunik soqutiginnittunut tamanut periarfissaanissaa. Peqatigiiffik nammineerlutik piumassutsiminnik ingerlatsisunik ingerlanneqarpoq, aammalu siulersuisut piumassutsiminnik sulisut.
Michael Binzer Nuummi peroriartorpoq, ukiuuneranilu OL-imi sisoraatinik oqilaniuttartutut peqataasarsimavoq, kingornalu SAS-imi, Air Greenlandimi, Tele-Postimi (maanna Tusass) pisortaasimalluni. Ukiuni kingullerni arfineq pingasuni namminersortumik inuussutissarsiuteqarluni Visiobox Consulting aamma re:lead piginnittuuffigai, tassani periusissianik aqutsinermillu ineriartortitsinermik suliaqarluni. Michaelip inuunini tamaat nammineq kajumissutsiminik sulisarpoq, sulilu aallarnisaasunik suleqateqarluni. Maannakkut Kalaallit Nunaanni suliffeqarfiit namminersortunik piginnittut annersaanni Polar Seafood A/S-imi siulersuisuni siulittaasuuvoq.
Pinngortitaleriffik Kalaallit Nunaanni ilisimatuussutsikkut ilisimatusarnermik ingerlatsiviit siuttuisa ilagaat, nunamilu pinngortitap pisuussutaanik misissuillunilu aqutsinermik sammisaqarfiusoq, aalisarneq, uumasut aamma pinngortitami ataqatigiinneq ilanngullugit. Ilisimatusarfik paasissutissanik, siunnersuinermik ilisimatusarnermillu suliaqartarpoq Kalaallit Nunaanni avatangiisit piujuartitsisumik atorluarneqarnerannut illersorneqarnerannullu tapersersuiniarluni.
Mininnguaq Kleist Namminersorlutik Oqartussani Naalagaaffinngornissamut Nunanullu Allanut Naalakkersuisoqarfimmi pisortaavoq, aammattaaq 2007-2009-ip akornanni AC fuldmægtigitut atorfeqarluni.
Naalagaaffinngornissamut Nunanullu Allanut Naalakkersuisoqarfiup Naalakkersuisut nunanut allanut politikeqarnera ingerlataraat, taamatullu Naalakkersuisut Naalakkersuisoqarfiillu allat nunanut allanut sillimaniarnissamullu politikimut tunngasut pillugit siunnersuisuusarpoq, nunallu tamalaat akornanni pissutsinut. Pisortaqarfik aamma nunani tamalaani sammisaqartartunut attaveqarnissamut akisussaaqataasuuvoq.
Palle Christiansen Anori A/S-imi juuli qaammat 2021-mili pisortaavoq.
Palle aallartisaasartutut nutaaliortutullu suliaqarnissamut pingaartitsisuuvoq, ineriartornissallu aqqani killeqarfinnik akimuinissamut. Ukiuni 20-ni namminersortutut misilittagaqarpoq, taakkunanilu ukiut 11-t politikikkut suliaqarnermik misilittagaqarfigalugit.
Taamatut tapertariillugit suliaqarnermi ineriartorneq inuiaqatigiit iluanni tamanut iluaqutaasussaq pillugu aallarnisaasarneq paasisaqarluarfigisimavaa.
Pernille Lohmann cand.polit. ilinniagaraa, 1994-miillu aningaasarsiorneq pillugu suliffeqarfinni suliaqartuulluni. Pernille 2019-mi DLR Kredit A/S-mi pisortanngorpoq, dansk erhverv aammalu nunaateqarnermut aningaasaliisartut. Pernille immikkut isiginiagaasa ilagaat piujuaannartitsineq aallaavigalugu minguinnerusumik nukissiuuteqarneq aningaasaliiffiginissai, inuiaqatigeeqarnermut pingaarutilimmik inissisimasoq.
Peter Vesborg DTU Fysik-mi professoriuvoq, Katalytisk omsætning aammalu nukissiuutinik katersinernut taamatuttaarlu seqernup qinngorneranit cellit aammalu seqernernup qinngorneraniit nukissiuutit katersornerinut ilisimatusarluni.
Peter meeraalluni seqernup qinngorneranik nukissiuuteeqqamik sanaqqaarpiarpoq PhD-liaminilu fotokatalytisk energilagring (kunstig fotosyntese). Stanford-imi postdoc kingorna suliffeqarfimmik pilersitsivoq, annertunerusumik seqernup qinngorneranik nukissiuuteqarnermut taknologi immikkuullarissunik tunngaveqartumik.
Peter Professorat avataasigut The VILLUM Power-to-X accelerator (VPX) ilisimatusarnikkut pisortaaffigaa, power to-x spinouts in spe ikorfartuuffigalugu
Siu-Tsiu allattoqarfiani pisortaq. Siusinnerusukkut Nuuk International Friskolemi atuarfimmi aqutsisoq aammalu Ilinniartitaanermut aqutsisoqarfimmi immikkoortumi aqutsisoq.
Rikardur Rikardsson Islandimi innaallagissiorfimmi Landsvirkjunimi suliffeqarfiup ineriartortinnissaanut tunngatillugu ineriartortitsinermut nutaaliornermullu pisortaavoq, aamma nunani tamalaani suliniutinut pisortaavoq, Landsvirkjun Powerip piginneqatigiiffia allamik aqutaq aqqutigalugu. Rikardur kattuffinni suliffeqarfinnilu assigiinngitsuni nukissiornermik attaveqaatinillu suliaqartuni siulersuisuni ilaasortaavoq, ilaatigut Green By Icelandimi, Faricemi, Islandip nunani tamalaani attaveqarnermut fiberimullu ingerlatsiviani, aamma nukissiornermik aallartitsivimmi Laki Powerimi, innaallagissamik ingerlatitseqqiinermi nakkutilliinermut aaqqiissutinik nutaaliaasunik pilersitsisumi.
Siornatigut Rikardur chip-inik sanaartorfiup Xilinx-ip Europami kiffartuussinermut tunngatillugu neqeroorutaanik aqutsisuusimavoq, aningaaserivinnilu siunnersortitut sulisimalluni, ilaatigut Glitnir Bankimi pisortatut McKinseymilu siunnersortitut. 2011-mili Rikardur Landsvirkjun-imi sulivoq, atorfimmi nutaap suliffigilernissaagta tungaanut tunisaqarnermut niuernermillu ineriartortitsinermut pisortaasimalluni. Rikardur Rikardsson 2002-mi Stanfordip universitetiani innaallagisserinermik kandidatinngorsimavoq, 2017-imilu Lausannemi IMD-imi niuernermi aqutsinermilu PED-inngorluni.
Sara Olsvig nunani tamaalaani Inuit Issittormiut Siunnersuisoqatigiivisa siulittaasoraat, ukiorpaalunni nunaqaqqaarsimasut inuillu pisinnaatitaaffiinik sorsuutiginnittuuvoq . Politikeriuvoq Danmarkimilu Folketingimi ilaasortaavoq (2011-2015), taamatullu Kalaallit Nunaanni Inatsisartunut ilaasortaalluni (2013-2018). Sara Olsvigip Kalaallit Nunaanni tunngaviusumik inatsisissap piareersarneqarnera taamatullu Nunatsinni Inuit Pisinnaatitaaffii pillugit siunnersuisooqatigiit pimoorullugu suleqataaffigisimavai. Sara Olsvig antropologimi MSc-eqarpoq PhD-nngorniarlunilu Ilisimatusarfimmi Inuiaqatigiilerinermut, Aningaanik ingerlatsinermut Tusagassiuteqarnermullu Institutimi. Sara Olsvig 2023-mi Womenomics Inclusion Awardimik nersornaaserneqarpoq. Sara Olsvig kalaaliuvoq Nuummi inunngortoq, tassanilu aappani qitornatillu najugaqarput
Snorri Tómasson Icelandairimi timmisartuussinermut pilersaarusiornermi pisortaavoq, tassanilu Icelandairip aqqutaanik timmisartuussisarnissamullu pilersaarutaanik 50-init amerlanerusunut, ilaatigut Kalaallit Nunaanni sisamanut nakkutilliisuulluni. Snorri Columbiap universitetiani ingerlatsinermik ilisimatusarnermi kandidatitut ilinniagaqarsimavoq Islandillu universitetiani suliffissuaqarnermut ingeniøritut bacheloritut ilinniagaqarsimalluni.
Aallarnisaasoq.
Siornatigut Ilinniartitaanermut Ilisimatusarnermullu Ministeriusimasoq aammalu Folketingimi ilaasortaasimasoq.
Troels Ranis Dansk Industrimi pisortaanerup tulliatut issittumi mingutsitsinnginnerulernissamut, silap pissusianut nukissiornermullu akisussaavoq. Nukissiorneq pillugu politikkimut tunngatillugu siuttuusutut ilisimaneqarpoq, aamma pisortani allaffissornermik kandidatiuvoq CBS Executive-millu High Performance Leadership akuersissummik pissarsisimalluni.
Kalaallit Nunaanni peroriartorpoq, ilaatigut 1970-ikkunni Maniitsumi peroriartorluni kingornalu Nuummi meeqqat atuarfiat Ukaliusami naammassisimallugu.
Siunnersuisarfik TUC Greenlandimi piginnittoq, sulisoqarnikkut aqutsinikkullu ineriartortitsinermik suliaqartartoq. Siusinnerusukkut Air Greenlandimi aammalu Kalaallit Forsikringimi sulinikuuvoq.
Merete Lindstrøm ingerlatsitseqatigiiffimmi Rpyal Greenlandimi attaveqaqqatigiinnermut pisortatut atorfeqarpoq.
Siornatigut Danmarks Radiomi, KNR-mi tusagassiortutut aammalu kingullertut Sermitsiaq.AG-mi weredaktøritut sulisimavoq. Merete aamma tuniniaanermut aammalu nittarsaassinermut suliaqarnikuuvoq.
