Saqqummiisussat
Anetep suliniutit inuusuttut namminneq oqaaseqarnissaannik nukittorsaasut siulliullugit aallartittarpai.
Atuakkiortoq Niviaq Korneliussen peqatigalugu Kalaallit Nunaanni Atuakkiortunut Ilinniarfik angalasartoq ingerlappaa, aamma RØST.dk suleqatigalugu Nordrøst pilersippaa. Nordrøst-ip inuusuttut Atlantikup avannaaniittut tamanut ammasumik oqalugiarsinnaanermik ilinniartittarpai.
Anetep 2022-mi UNLEASH Greenlandip aaqqissuunneqarnera peqataaffigaa, sulilu suliniutigaa UNLEASH-ip nutaalioriaasiinik Kalaallit Nunaanni atuutilersitsinissaq.
Anetep 2020-mi Arctic Action pilersippaa inuusuttut inuiaqatigiinni suliniutinik ataqqinnittumik inuuneqalernissamut nutaalianik aaqqiissutissarsiorneranni tapersersorniarlugit, pingaartumik Kalaallit Nunaanni.
Angunnguaq Larsen nipilersortartuuvoq filmiliaritittartuullunilu, kalaallit filmiini, nunat avannarliit filmiini, filmit naatsoq Oscarinnattussatut toqqagaasoq "Ivalu" aamma filmiliaq "Eskimo Weekend" peqataaffigisimavai, kiisalu nunani tamalaani nangeqattaartoq: True Detectives Jodie Foster pingaarnertut inuttaaffigineqartoq peqataaffigalugu. Filmiliat qulequtaani Qaqqat Alanngui, Alanngut Killinganni aamma Nuummioq taaneqarsinnaapput, kiisalu nangeqattaartut "Borgen" aamma "Tynd is". Angunnguaq kalaallit nipilersortartut ilisimaneqarluartut immiusseqatigalugit saqqummiusseqataaffigisimavai, matumani Chilly Friday. Angunnguaq Larsaq EUC Nord-iit Teknikeritut nipinut immikkut ilisimasaqarfeqarluni ilinniagaqarpoq, namminersortutut teknikeritut atorfeqartuulluni.
Aviâja Lyberth Hauptmann (arnaq inuk Kitaamioq) professorimut ikiortaavoq Ilisimatusarfimmi – Grønlands Universitet, aammalu Københavnip Universititiitiani. Aviaaja suliaraai pinngoqqaatinik ilisimasaqarnerulernissanik, kulturikkut aammalu inuiaqatigiinnut pingaarutilinnik Kalaallit Nunaani nerisatigut pigisatsinnik pingaartitsisuulluni aammalu Kalaallit Nunaanni uumaatsunik ilisimatuussutsikkut ilinniarsinnaanermik siullerpaamik inerisaalluni: Sila biologiimi bacheloriulluni.
Dina Lynge Larsen: "26-nik ukioqarpunga, Nuummi inunngorlungalu peroriartorpunga, sulilu maannamut najugaqarfigalugu.
Ulluinnarni Tusassip qitiusumik allaffiani attaveqaqatigiinnermut sulisuuvunga, Nuummilu Niuernermut Ilinniarfimmit AU Nunat assigiinngitsut akornanni niuerneq aamma Niuernermi aqutsineq ilinniarlugu naammasseqqammerlugu."
Kenneth Høegh (1966-imi inuusoq) Naalagaaffiup Danmarkip Issittumi Sinniisoraa kiisalu Danmarkip Naalagaaffia 2025-2027-mi siulittaasuutitaqarnerani Issittumi sinniisunit Senior Arctic Officials-ini siulittaasuulluni. Tamatuma siuliatigut Washington D.C.-mi Kalaallit Nunaata sinniisoqarfiani pisortaasimavoq. 2018-imiit 2021-mi juulip tungaanut Kenneth Høegh Kalaallit Nunaanni Nunanut Allanut Naalakkersuisoqarfimmi pisortatut sulisimavoq. Kenneth Høegh nunalerinermut tunngatillugu ilisimatusarnikkut ilinniarsimasuuvoq (Københavns Universitet 1993.)
Kimojax (Kim Jakobsen) kalaaliuvoq Nuummeersoq, rappertartoq, saqqummiisartoq coachiullunilu. Nipilersorneq, oqaluttuarneq kajumissaarillunilu saqqummiinerit aqqutigalugit inuttut ineriartorneq, eqqarsartaatsikkut nukittuuneq neriuuteqarnerlu suliaqarfigisarpai – pingaartumik inuusuttunut. Kalaallit Nunaanni inuunermut, kulturimut kinaassutsimullu tunngasunik eqqarsaatersuutini pillugit hiphoppertarnini atuisarnini ilisarnaatigaa. Nipilersornerup saniatigut workshoppertitsisarpoq, saqqummiisarpoq ataatsimiinnernilu peqataasarpoq allannguinissaq anguniarlugu eqqarsaatit anguniakkallu eqeersimaartumik atortarnissai pillugit isumassarsiorfiusinnaasumik oqariartuuteqartarluni.
Kimojax aamma isumaginninnikkut suliniutinut tunniusimasuuvoq, inuusuttullu nassaassarsiorneq, oqaloqatigiinneq inuttullu ineriartorneq aqqutigalugit pissassarnissaannik suliaqartuulluni.
Lasse Kyed Nuuk Water Taximi Ingerlatsinermut Inerisaanermullu immikkut ilisimasalittut atorfeqartuuvoq, Nuummi Nuullu kangerluini nutaanik misigisassarsiornissanik, misigisassat pioreersut inerisarnissaannut aammalu tunisassiat nutaat suliaqarfigisuullugit. Islandimi Keilirimi Issittumi Misigisassarsiortitsisartutut ilinniarsimasuuvoq, ukiorpaalunni takornariaqarnerup suliassaqarfiani misilittagaqartuulluni, ilaatigut misigisassarsiortitsisartutut, assiliisartutut, saqqumiisartutut suliniutinilu siunnersortitu suliaqarsimalluni. Lasse siornatigut Campus Kujallermi misigisassarsiortitsisartut ilinniarfianni censoriullunilu ilinniartitsisarsimavoq. Lasse kalaallit kulturiat asimillu saqqummiussinissamut soqutigisaqartuuvoq, Kalaallillu Nunaata ukioq naallugu takornariaqarfiunissaanut annertuumik anguniagaqarusuttuulluni. Tunniusimasuunini, Kalaallit Nunaat pillugu ilisimasaqarluarnini aammalu tikeraanut immikkuullarilluinnartunik misigisaqartitsisinnaassutsini ilisimaneqaatigilluarpai.
Linda Kleist Visit Greenlandimi Head of Destination Development & Cruise-tut (Sumiiffinnut tunngatillugu inerisaanermut Umiarsuarnullu takornariartaatinut suliaqanermut aqutsisutut) atorfeqarpoq. Kalaallit Nunaat tamakkerlugu pinnguartarfigisimallugu peroriartorpoq nunatsinnilu illoqarfiit tamakkerlugit angalasimalluni. Takornariaqarnermut, tikeraarneqarnermut pilerisaarinermullu tunngatillugu suliaqarnerminit tunuliaqutaqarluni Kalaallit Nunaanni sumiiffiit immikkuullarissut kivitseqataaffiginiarlugit suliaqartuuvoq, aammalu nuna tamakkerlugu takornariaqarnikkut akisussaassusilimmik inerisaanissamik suliaqarluni.
Maria Motzfeldt ukiuni 20-ni namminersortoq ullumikkut INUVA-mi piginneqataavoq. Taanna aaqqissuussinermik, pulaartitsinermik, ussassaarinermi, assilialiornermi tv-milu aallakaatitassiortitsinermik suliaqarpoq Kalaallit Nunaannilu tamarmi suliniutinik aaqqissuussinermillu ingerlatsilluni. Mariap peqataatitsisinnaanini, sulianik ingerlatseriaatsinik nukittuunik aamma qanilaartutut ilisimaneqarpoq – isiginnaartitsivimmi immiussanillu assiliisartup saavani. Isumassarsianik iliuuseqartitsinissamik suliaqartarpoq aaqqiissutillu piviusunngortinneqarnissaannut sulissuteqarluni.
”Tamat oqartussaaqataanermi sinittoq, naalagarsuaqarluni itertitaasaraaq!” ilaa ulorianaq. Qanormi inuusuttatsinnut aammalu ulluinnarni tamanna isumaqarpa – aammalumi siunissamut? Sunaava tamat oqartussaanerat, aammalu tamanna qanoq nunap siunissaanut aammalu ineriartornissaanut sunniuteqarpa?
Isornartorsiuteqartarit aamma akisussaaffimmik tigusiit – ilinnut nammineq, ukioqatigiikkuutaanut aammalu nunarnut.
Morten Nornild, tullersorti aammalu eqqartuussiveqarnermut aqutsisoq, Kalaallit Nunaanni ombudsmandeqarfimmi, Ilimmarfimmi avataaniit lektori inatsisilerituunngorniat ilinniarfianni. Atuartitsisutut aammalu eqqartuussiveqarnermut aqutsisutut ukiorpanni Morten Nornildip suliassarisimavaa kikkut inatsisilerituutut aammalu siunissami inatsisilerituut pikkorissut nassaarinissaai. Morten Nornildip arlalinnik inatsisilerinermut tunngasunik allagaqartarsimavoq aammalu ilinniartitsinermut tunngasunik Kalaallit Nunaannut aammalu Nunarput pillugu.
Muusaarannguaq Ostermann-Søholm, "Muusa".
Elite Sport Greenlandimi ukiut siulii marluk allattoqarfimmi pisortaq, ukiut arfinillit Elite Sport Greenlandimi pikkorivissunut siunnersortaavoq. 2017-imi Kalaallit Nunaannut utertinnanga Danmarkimi ilinniarlungalu assammik arsartarlunga ukiut qulit najugaqarpunga. Timersorneq soqutigiuaannarnikuuara, taamaammat aamma timersornermut aaqqissuinermullu aqutsinermut ilinniagaqarpunga (sports- og events management).
Hej, uanga ateqarpunga Parnuna Olsen, GUX Nuummi 1N-imi nassaassarsiornermik samminnittumi ilinniartuullunga. Nipilersorneq spejderiunerlu soqutigisaraakka. Nuuk Spejderit aamma spejderitut aqutsisuuffigaakka. Oqalugiarpunga pissutigalugu 2025-mi novembarimi oqalugiarnermut ilinniarfimmi peqataagama, tamannalu aqqutigalugu oqalugiarsinnaaleqqinnissannut isumassarsiorfigaara. Oqalugiaatinni Lgbtq+-ip avatangiisaaniilluni qanoq innersoq sammisaraara.
Pilutaq Lundblad Nunatta Isiginnaartitsisarfiani produceriuvoq, nipilersortartuullunilu filmiliortartoq. Isiginnaartitsisarfimmi eqqutmiitsuliornerit ineriartortinnissaanik aamma pilersitsiviginissaanik kiisalu Kalaallit Nunaanni nunallu tamalaat akornanni akimut eqqumiitsuliornerit suliniuteqarfigisarlugit. Tamatuma saniatigut nipilersortartut Toornat aamma Sauwestari nipilersortartooqataaffigai; eqqumiitsuliornerit, kulturi nutaamillu inuussutissarsiornerup akornanni attaveqalersitsinissamut suliniuteqartuulluni.
Rikke Cilja titartaasartuuvoq namminersortuulluni suliffeqarfik Process Ink ingerlallugu.
Titartakkat paasiuminartut atorlugit suliniutit, ilinniartitsineq ilisimasallu paasiuminarsarpai, taamaalilluta oqaatsit kisiisa atorlugit attaveqatigiiginnarnata takussaasumik attaveqatigiissinnaaniassagatta. Ukiuni kingullerni sisamani ilaatigut Nuummi ilinniartitsisuuvoq, tassanilu kalaallit periuseq tamanna pillugu ilinniartinniarlugit aallussilluarpoq, taamaalilluni periuseq tamanna kalaallit kulturiannut takussaasumut nukittuumut ilanngussinnaaniassammat.
Sara Lindskov Nuummi inunngorlunilu perorpoq. 2013-imi GU-mi ilinniarnertuunngornermi kingorna Københavnimut nuuppoq ilinniariaqqinniarluni. Maanna Nordjobb Grønlandimi suliniummi aqutsisutut atorfeqarpoq Københavnimi qitiusumik allaffeqarfianit, tassani inuusuttut Nunat Avannarliineersut piffikkaartumik sulisinnaanissaannut periarfissanik ammaassisooqataalluni.
Veronica Geislerimik ateqarpunga, ulluinnarni Veromik taatittarpunga 18-inillu ukioqarpunga. Nuummi inunngorlungalu peroriartorpunga, aamma ukiut tallimat Norgemi najugaqarnikuuvunga. GUX-imi 2.g-mi inuiaqatigiilerinermik sammivilimmi ilinniarnertuunngorniarpunga. Sunngiffimmi nipilersortarpunga, nuersagassaarniarfimmi sulisarlunga ilaannilu ullorsiutikka sammilertarpakka, tassani taalliarpassuit eqqarsaaterpassuillu allattorsimapput.
Siunnersuisarfik TUC Greenlandimi piginnittoq, sulisoqarnikkut aqutsinikkullu ineriartortitsinermik suliaqartartoq. Siusinnerusukkut Air Greenlandimi aammalu Kalaallit Forsikringimi sulinikuuvoq.
Rina Kofoed er født og opvokset i Tasiilaq. Hun studerer i dag pa Greenland Business School med retning inden for Økonomi og Ressourcestyring. Som en del af sin uddannelse er Rina i praktik hos Tusass, hvor hun arbejder med erhvervsrelaterede opgaver og får praktisk erfaring inden for sit fagområde. Derudover engagerer hun sig i MIO – Børnerettighedsinstitutionen i Grønland – hvor hun bidrager til arbejdet med at styrke børns rettigheder og trivsel.
