Saqqummiisussat
Anetep suliniutit inuusuttut namminneq oqaaseqarnissaannik nukittorsaasut siulliullugit aallartittarpai.
Atuakkiortoq Niviaq Korneliussen peqatigalugu Kalaallit Nunaanni Atuakkiortunut Ilinniarfik angalasartoq ingerlappaa, aamma RØST.dk suleqatigalugu Nordrøst pilersippaa. Nordrøst-ip inuusuttut Atlantikup avannaaniittut tamanut ammasumik oqalugiarsinnaanermik ilinniartittarpai.
Anetep 2022-mi UNLEASH Greenlandip aaqqissuunneqarnera peqataaffigaa, sulilu suliniutigaa UNLEASH-ip nutaalioriaasiinik Kalaallit Nunaanni atuutilersitsinissaq.
Anetep 2020-mi Arctic Action pilersippaa inuusuttut inuiaqatigiinni suliniutinik ataqqinnittumik inuuneqalernissamut nutaalianik aaqqiissutissarsiorneranni tapersersorniarlugit, pingaartumik Kalaallit Nunaanni.
Aqqaluaq Frederiksen Innovation South Greenlandimi kingornutassiaqarfimmi aqutsisuuvoq. Kingornutassiaqarfik pillugu ingerlatsineq oqaluttuarnerlu suliaqarfigisarai, tassani kalaallit nunaatillit qallunaatsiallu oqaluttuarisaanerat nunatta kujataani kulturikkut nunami naapiffeqartut pillugit suliaqartuulluni. Aqqaluap sulinermini najukkani ingerlatsisut oqartussallu kulturikkut kingornutassiat piujuarnissaat pillugit suliaqartarpoq, najugaqartunut tikeraanullu tikinneqarnissaat periarfissaatittarlugu.
Arina Kleist piviusulersaarusiortartuuvoq, pisortatigoortumik piviusulersaarusiaa naatsoq, Ivikkisartoq Kingulleq Nuuk International Film Festival 2024-mi siullermik takutinneqarmat Jury Award-imi ajugaavoq immiussaa nuannarineqarnerpaalluni. Ulluinnarni Arina Qaqortumi aappani meeqqatillu marluk najugaqarput, Snow Falcon Media assiliinermik suliffeqarfini namminersorfigalugu ukiut tallimat sinnerlugit suliaqarfigisimallugu. Assiliinermi namminersulinnginnermini Arina Visit Greenland-imi Social Media Manager-itut atorfeqarpoq, tassani saqqumiinermi immiussat suliarinneqataaffigisarlugit. Arina Arctic Winter Games 2016-imi suliniummi suleqataasimavoq, Aalborg Universitetimiillu attaveqaqatigiinnermi BA-qarluni.
"Bea H. Terkildsen NAPA-mi suliniummi aqutsisuuvoq siunnersortaallunilu, taavalu Creative Greenlandip ineriartortinneqarnerani suliaqartuni siuttuulluni. Qeqertarsuatsiaanit siuaasaqarpoq, Nuummi Danmarkimilu peroriartortuulluni, takornarialerinermik ornitassanullu inerisaanermik tunuliaqutaqarluni Kalaallit Nunaanni kulturikkut inuussutissarsiorneranni inuit, isumassarsiat kiisalu periarfissat atassusernissaannut suliaqartuuvoq.
Dora Dreschsel Kalaallit Sillimmasiisarfianni pisortaavoq – Kalaallit Sillimmasiisarfiat tassaavoq If Ajoqusiinermut Sillimmasiisarfik, Skadeforsikringimut tuniniaassussisartuuvoq, nunani avannarlerni sillimmasiisarfiit annersaat. Dora Sulisitsisuni namminersortunut suliassaqarfinnut ataatsimiititaliami siulittaasuuvoq. Dora Nuummi inunngorpoq Qaqortumilu peroriartorluni, Qaqortumi GU-mi ilinniarnertuunngorniartuni siullersaasuni ilinniarnertuunngorsimalluni. Dora Kalaallit Sillimmasiisarfianni inuusuttut inersimasullu ineriartortinniarlugit ilinnialersinniarlugillu suliaqartarpoq, qulakkeerinniartarlunilu suliffik tamanut pitsaasuunissaa toqqissisimanartuunissaalu.
Hugh Short tunngaviliisuuvoq, siulersuisuni siulittaasoq Pt Capitalimilu pisortaanerusoq, taanna suliffeqarfiuvoq aningaasaliisartoq Alaskami Anchoragemi inissisimasoq, tassani Amerika avannalermi Europallu avannaani suliffeqarfiit namminersortut aningaasaliiffigisarpai. Pt Capital Issittoq akimorlugu aningaasaliivigisimavaa, Nova Iceland 2022-mi akit niuerutigineqarsinnaasut aningaasaliiffigalugit, Alaskami tammaarsimaanermi ingerlatsiviup nerisassanillu sassaalliisarfiup anginersaat ilaat inerisaaqataaffigalugu kiisalu unnuisarfiit suliffeqarfiup ingerlatseqataaffigalugit. Pt isumaqarpoq Kalaallit Nunaat nunarsuarmeersunit tikeraarfiunerpaat ilaattut tulliuttoq, Kalaallillu Nunaata nunarsuarmi inissisimanerata isumaa upperalugu. Hugh Iñupianit kingoqqisuucoq siornatigullu Bethelimi borgmesteriusimalluni. Siornatigut Pt Capitalimi Alaska Growth Capitalimi siuttuusimavoq, taanna Arctic Slope Regional Corperationimit, Iñupianit pigineqartuuvoq. Hugh Alaskap aningaaserivia, Alaska Industrial Development and Export Authority-p siulersuisuini siulittaasuusimavoq. Alaska Anchoragep ilisimatusarfianit bacheloreqarpoq, ilaquttanilu Alaskami najugaqatigalugit.
Kristine Balslev Amitsoq Graphite-mi ujarassiuutut misissuisartuuvoq, 2026-mi aggustimili suliniummi suleqataasimasoq. Kristine aasaanerani qillerisoqarnerani sulilerpoq, pingaarnertullu qillikkat misissugaralugillu suliaqarfigisimallugit.
Malene Vahl Rasmussen, 31-nik ukiulik, Kommune Kujallermi borgmesteri. Siornatigut Inatsisartuni ilaasortaavoq, kiisalu attaveqaqatigiinnermi namminersortut misilittagaqarluni.
Politikkimik attaveqaqatigiinnermillu misilittagaqarluni tunuliaquteqarnermi Malene Vahl Rasmussen politikkimi sulineq, paasissutissiineq aamma inuiaqatigiinni pissutsit misilittagaqarfigai. Borgmesteritut Kommune Kujallermi siuttuuvoq kujataanilu inerisaanermik suliaqartuullunilu kommunimi najukkani inuiaqatigiit sullitarai.
Malik Vahl Rasmussen Qaqortumi inunngorlunilu peroriartorpoq, issittumi ingeniøritut ilinniarsimasuulluni. Suliassanik suliakkinneqartartuni sanaartornermilu suliassaqarfimmi misilittagaqalereermat kujataanut nooqqippoq, uternermini ilaqutariit suliffeqarfiutigisaanni 60° N-imi piginneqataasutut aallartippoq, maannalu pisortaanerulluni. Pisortaanerunerani suliffeqarfik aatsitassarsiornermi suliassaqarfimmi qitiusumik suleqatitut inissisimalerpoq, najukkami suliffeqartitsinissamik tunaartaqarluni suliniuteqarpoq, piginnaasanik qaffassaaneq kiisalu siunissaq ungasissoq isigalugu Kalaallit Nunaanni suleqatigisassanik siunertaqarluni suliaqartuuvoq. Ilinniakkat, najukkami naleqalersitsinerit nunatsinni piginnittuunerit siunissami inuussutissarsiornikkut ineriartortitsinissamut qitiusumik inissisimasinnaanerat pillugit paasititsiniaassalluni Maliup assut pingaartitarai.
Miki aamma Pilu nalinginnaasumik nipilersoqatigiinnit Small Time Giantsikkunnit ilisimaneqarput. Suliniummi uani erinarsuutit pisariinnerusumik qanilaartumillu inissaqartissavaat. Nipilersuutit singer/songwriter-erparlaartumik rockerpalaangajattumillu atorneqassapput, oqaluttuassartaalli ataqatigiittumik oqariartuuteqassapput. Naak marluinnaagaluartut piviusorsiorneq, quiasaarilaarneq nipiliulaarnerlu inissaqassapput.
Miki Jensen Innovation South Greenland A/S-imi pisortaavoq, tassani Kommune Kujallermi inuussutissarsiornermut takornariaqarnermullu inerisaanerit suliaqarfigalugit. Aaqqissuussaanerup najukkani suliffeqarfiit aallarnisaasullu siunnersortarpai, suliniutillu kujataani inerisaanermut pitsanngorsaataasut ingerlattarlugit. Nunap immikkoortuani suliffeqarfinnut periarfissanik ammaassinissamut najukkami ingerlatsisut, oqartussat nunallu tamalaani suleqatit Mikip qanimut suleqatigisarai. Kulturikkut kingornutassiat sumiiffinnilu misigisassat kujataata ornitassatut suliaqarfiginera inerisaatitut suliat ilagaat.
Rikke Cilja titartaasartuuvoq namminersortuulluni suliffeqarfik Process Ink ingerlallugu.
Titartakkat paasiuminartut atorlugit suliniutit, ilinniartitsineq ilisimasallu paasiuminarsarpai, taamaalilluta oqaatsit kisiisa atorlugit attaveqatigiiginnarnata takussaasumik attaveqatigiissinnaaniassagatta. Ukiuni kingullerni sisamani ilaatigut Nuummi ilinniartitsisuuvoq, tassanilu kalaallit periuseq tamanna pillugu ilinniartinniarlugit aallussilluarpoq, taamaalilluni periuseq tamanna kalaallit kulturiannut takussaasumut nukittuumut ilanngussinnaaniassammat.
Sara Marie L. Berthelsen mersortartutut ilinniarsimasuuvoq siornatigullu mersortarfimmi Kittanni sulisarsimalluni, tassani kalaallisuuliornermi annertuumik misilittagaqalerpoq. Massakkut Qilertilik namminersortuuffigaa, assassorneq kalaallisuuliornermilu assut nuannarisaqartuunini tunngavigalugit suliaqartuulluni.
Rina Kofoed Tasiilami inunngorlunilu peroriartorpoq. Massakkut Greenland Business-imi ilinniartuuvoq Aningaasaqarneq aamma Isumalluutinik Aqutsineq ilinniagarillugu. Rinap ilinniarnerata ilagisaatut Tusassimi suliffimmik misiliivoq, inuussutissarsiorfinnut tunngasunik suliaqartarpoq ilinniagaanullu attuumassutilinnik suliatigut misilittaganikkiartorluni. Tamatuma saniatigut nunatsinni Meeqqat Pisinnaatitaaffiinik suliaqarfik MIO soqutigisaraa, tassani meeqqat pisinnaatitaaffiat atugarissaarnissaallu pillugu suliaqaqataasarpoq.
