Kalaallit Nunaanni inuussutissarsiortunut ataatsimeersuartitsinerit annersaat, Future Greenland, arfineq-pingajussaa 2024-mi maajip 14-iani 15-ianilu ingerlanneqassaaq. Ataatsimeersuarnermilu aqutsisuussapput Maja Motzfeldt-Haahr aamma Merete Lindstrøm.
Maja Motzfeldt-Haahr siullermeerluni Future Greenland 2022-mi aqutsisutut ingerlatsivoq, ulluinnarnilu siunnersortini TUC Greenlandimi piginnittuuvoq, suliffeqarfiup sulisunik aqutsisunillu ineriartortitsineq ingerlataraa. Maja Motzfeldt-Haahr siornatigut Air Greenlandimi Kalaallit Forsikringimilu sulisimavoq.
Merete Lindstrøm 2023-miilli Royal Greenlandimi attaveqaqatigiinnermut pisortatut atorfinippoq. Meretelu siornatigut Danmarks Radiomi KNR-imilu tusagassiortutut sulisimavoq Royal Greenlandimiilinnginnerminilu Sermitsiaq.AG-imi nittartakkami aaqqissuisutut sulisimalluni.
Ukioq manna Future Greenland ingerlanneqalerpat ”Kalaallit Nunaanni piujuartitsinermi periarfissat – Sooq, Qanoq aamma Suut?” qulequtarineqassaaq. Power-2-X-ip, eqqumiitsuliornerup kulturip kiisalu Kalaallit Nunaata nunani tamalaani niuernissaanut oqaluttuarisaaneralu eqqarsaatigalugu piujuartitsinerup, assigiinngisitaarnerup, nerisassaqarnerup iluani periarfissat sammineqassapput.
Peqataanermut nalunaaruteqartoqarsinnaavoq februaarillu 15-iaatinnagu peqataanissamut nalunaartunut akikillisaaffigissavagut.