Saqqummiisussat – Sisimiut

Aki-Matilda Høegh-Dam 2019-imiilli Siumut sinnerlugu Folketingimut ilaasortaavoq, Folketingimi ilaasortani nukarlersaasimalluni. Qaqortumi, Nuummi, Sisimiuni Upernavimmilu peroriartorpoq, naalakkersuinermik ilinniagaqarluni. Politikeritut sulinnginnermini inuit pisinnaatitaaffii pillugit suliniuteqarsimavoq, Folketingimut qinersisoqarnera sioqqullugu kingornalu Kalaallit Nunaata namminiilivinnissaanik, kalaallit pissaaneqarnerulernissaannik nunallu inoqqaavisa pisinnaatitaaffiinik ukkataqarluni. Kalaallit Nunaat pillugu ataatsimiititaliami siulittaasutut Issittumullu aallartitatut kiisalu NATO-p inatsisartuini ilaasortatut Kalaallit Nunaata naalagaaffinngortinneqarnissaanik sakkortuumik tapersersuisuuvoq, Kalaallit Nunaatalu siunissami ineriartornissaa pillugu nunami nunanilu tamalaani oqallinnermi peqataasarluni.

Jakob Kjærside Dansk Industrimi siunnersortiuvoq ulluinnarnilu siunnersuisarluni
DEI-mik taaneqartartoq tassaavoq Danmarkimi suliffeqarfiit assigiinngisitaartuuneq, akuutitsisarneq naligiinnillu periarfissaqarneq pillugit suliffeqarfik.
Jakob inuussutissarsiornermi aningaasarsiornermik psykologiimillu ilinniagaqarsimavoq, tamatumalu saniatigut ilisimatuutut misissuisarpoq ulluinnarni immikkoortitsisarneq pillugu.
Jakobip immikkut ittumik nuannarai
suliffeqarnermut tunngasut: Qanoq ililluta kikkut tamarmik isumannaarsinnaavagut, kinaassusertik apeqqutaatinnagu,
Suliffiup iluani inuttut tulluartutut misiginissaat- inuppalaartutut,
tamanna tunnganermik takutitsisarmat.

Britta Keldsen inatsisilerituujullunilu Arctic Law-mi partner’tut inissisimavoq, inuussutissarsiornermi pisinnaatitaaffiit pingaarnertut suliaralugit, Kalaallit Nunaanni nunaqavissut aammalu nunat tamalaat akornanneersunik sullitaqarluni. Britta namminersorluni suliffiuteqarneq 2012-miilli ingerlatarilerpaa taavalu 2010-miit inatsisilerituutut ingerlasimalluni. Britta Kalaallit Nunaanni inuussutissarsiornermi soqutigisaliuvoq, suliffeqarfiit Kalaallit Nunaanneersut siulersuisuini ilaasortaalluni taassumallu avataasigut nunatsinneersut Naligiissitaanermut Siunnersuisooqatigiit, Kalaallit Nunaanni suiaassutsikkut naligiissitaanerunissamik suliaqartuni, siulittaasuulluni.

1. November 2020-miilli Sulisitsisuni pisortaaneq. Siusinnerusukkut Air Greenland-imi niuernermut pisortaasimasoq. Visiobox Consulting Nuummi siunnersuisarfittut suliffeqarfimmik pilersitseqataasimasoq, aqutsinermut pilersaarusiornermullu ineriartortitsinermik pisortani namminersorlunilu inuussutissarsiuteqartunut suliaqartarsimasoq. Christian Keldsen cand.jur. ilinniarsimasuuvoq aammalu England Nordirland-imullu konsuliulluni.

Krissie maj 2023-miilli Sulisitsisuni siulittaasuuvoq. Ilaatigut aamma Pascucci aammalu Esmeralda Nuummiittut pisortaaffigai.

Krissie Qeqertarsuarmi Danmarkimilu peroriartorpoq 2001-miillu namminersorluni inuussutissarsiuteqalersimalluni. Tarnikkut katsorsaasartutut aammalu Coachitut ilinniagaqarpoq, aammalu Københavns Universitetimi sociologi ilinniarsimallugu.

Anettep suliniutit inuusuttut namminneq oqaaseqarnissaannik nukittorsaasut siulliullugit aallartittarpai.

Atuakkiortoq Niviaq Korneliussen peqatigalugu Kalaallit Nunaanni Atuakkiortunut Ilinniarfik angalasartoq ingerlappaa, aamma RØST.dk suleqatigalugu Nordrøst pilersippaa. Nordrøst-ip inuusuttut Atlantikup avannaaniittut tamanut ammasumik oqalugiarsinnaanermik ilinniartittarpai.

Anettep 2022-mi UNLEASH Greenlandip aaqqissuunneqarnera peqataaffigaa, sulilu suliniutigaa UNLEASH-ip nutaalioriaasiinik Kalaallit Nunaanni atuutilersitsinissaq.

Anettep 2020-mi Arctic Action pilersippaa inuusuttut inuiaqatigiinni suliniutinik ataqqinnittumik inuuneqalernissamut nutaalianik aaqqiissutissarsiorneranni tapersersorniarlugit, pingaartumik Kalaallit Nunaanni.

Inooraq Brandt Rambøll Grønland A/S-imi pisortaanertut inissisimavoq, 2023-ilu aallarteriitsiartoq CSR Greenlandimi siulersuisunut ilaasortanngorpoq.
Inooraq arktisk ingeniøritut kandidateqarpoq geofysik aamma geteknik pingaarnertut sammisaralugit.

Bent Olsvig Jensen ukiut 25-vit sinnerlugit Kalaallit Nunaanni aqutsisutut misilittagaqarpoq, tamannalu ilinniartitsinermi aamma Avannaani aalisarnermik inuussutissarsiuteqarnermi kingullertigullu Kalaallit Nunaanni tamarmi aatsitassarsiornermi atorsimavaa.

Bent Olsvig Jensen 2011-miit 2016-imut suliffeqarfinni soorlu True North Gems Greenlandimi, aallaqqaammut Qeqertarsuup eqqaani rubinisiorfimmut piiaanissamut akuersissummik tunineqartumi, kingornalu Xploration Servicesimi, Nuummiittumi Kalaallit Nunaanni tamarmi aatsitassarsiornermik ingerlatsivinnik sullissisumi, pisortaasimavoq. 2020-miit Bent Lumina Sustainable Materials A/S-imi, Kangerlussuup eqqaani Qaqortorsuarmi Anorthosit-imik piiaanissamut akuersissummik piginnittumi, suliffeqarfiullu tassani piiaaffimmik ingerlatsisumi, pisortaasimavoq. Ullumikkut Lumina piiaaffiuvoq suli ingerlasoq nunanut allanut tuniniaasartoq.

Bent Olsvig Jensen aamma Sulisitsisut Peqatigiiffiata Aatsitassanut Ataatsimiititaliaani siulittaasuuvoq, tassanilu Kalaallit Nunaanni aatsitassarsiornermik ingerlatsiviit amerlanerpaartaat sinniisuupput.

Palli Lyberth serviceøkonomiimik takornariaqarnermut tunngasunik Campus Kujallermi Qaqortumi ilinniarsimasuuvoq. Maannakkut Sisimiut Fresh Farmimik piginnittoq ingerlatsisorlu, tassanilu hydroponimik naasorissaanermik nuannarisaqarnini inuiaqatigiinnut nutaanik tunisassiornissamik pisussaaffini ataatsimoortippai. Assigiinngitsunik suliaqartarsimalluni namminersorluni sulinissamut periarfissarsiortuaannarsimavoq, maannalu nammineq suliffeqarfimmik ingerlatsinermi unammilligassanik akissarsiassanillu tigusinissartik nuannaarutigaa.

Malik Berthelsen 2017-imiilli Qeqqata Kommuniani Siumut sinnerlugu borgmesteriuvoq . Malik Berthelsen aamma 2009-miit 2013-imut Inatsisartuni ilaasortaasimavoq.
Niuernermik ingerlatsisuuvoq Aarhus Business College-milu inuussutissarsiornermik ilinniagaqarluni.
Malik Berthelsen assammik arsarnermi arsarnermilu Nunatsinni pissartanngorniunnerni arlaleriarluni peqataasarsimavoq, nunarsuarmilu sisoraatinik oqilaniunnermi sakkortunerpaami Arctic Circle Racemi aqqaneq-marloriarluni peqataasarsimalluni, maratonillu affaanut/tamaat arpannermi peqataasarsimalluni.

Rikke Cilja titartaasartuuvoq namminersortuulluni suliffeqarfik Process Ink ingerlallugu.
Titartakkat paasiuminartut atorlugit suliniutit, ilinniartitsineq ilisimasallu paasiuminarsarpai, taamaalilluta oqaatsit kisiisa atorlugit attaveqatigiiginnarnata takussaasumik attaveqatigiissinnaaniassagatta. Ukiuni kingullerni sisamani ilaatigut Nuummi ilinniartitsisuuvoq, tassanilu kalaallit periuseq tamanna pillugu ilinniartinniarlugit aallussilluarpoq, taamaalilluni periuseq tamanna kalaallit kulturiannut takussaasumut nukittuumut ilanngussinnaaniassammat.

Inussuk A/S-imi Pilersaarusiornermut aqutsisoq, Base Maintenance Contractor, Pituffik Space Center-imi.

Michelle tarnip pissusaanik ilisimasalittut ilinniarsimasuuvoq aammalu Human Ressource Management, aammalu sulinermini HR, aqutsineq, ingerlatseqatigiiffinnik ineriartortitsinermik, tunisassianik aqutsinermut tunngasunik, Lean aammalu suliniutinik aqutsinermut tunngasunik suliaqartarluni.

Maannakkut Pilersaarusiornermut aqutsisutut Inussuk-mi, tassani suliassaq aallutaaraa base-mi aserfallattaalineq, taassumap saniatigut Kalaallit sunniuteqarsinnaanerat salliutillugu aammalu suleqataanissaat qulakkeerusullugu, uani nunaqavissunik sulisoqarnissamik aammalu praktikkerfissanik amerlanerusunik base-mi suliniuteqartuulluni.

Jennifer Hall Godfrey-i Qallunaat nunaanni Amerikamiut aallartitaqarfianni missionchef-itut tullersortaalluni atorfeqarpoq juli 2022-mi

Jennifer Hall Godfrey Amerikamiut nunanut allanut allattoqarfiani sivisuumik atorfilittut sulisimavoq. Nunanut allanut ministereqarfimmi tjenestemand-itut tamanut ammasumik aallartitaqarfinni atorfilittut 1998-miit aammalu Jordan-imi sulisimalluni (1999-2001), Turkmenistan-imi (2002-2004), Libyen-ami (2007-2009), Østrig-imi (2010-2013) aammalu Saudi-Arabien-ami (2015-2018). Washington-imi tusagassiuutinut tunngasunik Nunat tamagiinnut kattuffinnut qullersaqarfimmi sulisimalluni  (Bureau of International Organization Affairs) (2004-2006), vicedirektør-itut aammalu taassumap kingorna Viceministeritut Nunat tamagiinni attaveqaatitigut tunngasuni Tamanut ammasumik tunngasuni qullersaqarfimmi suliaqarluni (Bureau of Public Affairs) (2014-2015) aammalu Qullersaqarfimmi allatsitut/Allatsini aqutsisutut Tamanut ammasumik aallartitaqarfimmut tunngasuni aammalu Nunanut allanut tunngasuni sulinermi (Under Secretary for Public Diplomacy and Public Affairs) (2018-2021). Ulloq 20. januar 2021 atorfilittanut aallartitatut aammalu piginnaatitaalluni Naalagaaffimmut tamagiinnut aallartitatut aammalu nunanut allanut tunngasuni pisuni, tamannalu ingerlallugu april 2022-ip tungaanut.

Jennifer Hall Godfrey Brandeis Universitet-imi BA-tut aammalu kandidat-itut nunamini isumannaallisaanikkut suleriutsimut tunngasuni National War College-imi naammassisimalluni. Araber-isut, russit aammalu spansk-it oqaasiinik oqalussinnaalluni.

Miamik ateqarpunga, 25-nik ukioqapunga Nuumminngaanneerlungalu. 19-ninik ukioqarlunga AFIS operatøritut naammassinikuuvunga tassanilu sulisimallunga ukioq ataaseq. Massakkut Naviairip timmisartumik paasissutissiisarfiani Nuummiittumi (FIC) ukiut pingajussaani sulivunga, timmisartut Kalaallit Nunaata silaannartaaniittut radiokkut attaveqarfigisarpakka timmisartullu mittarfeqarfinnut attaveqarnerat ataqatigiissaartarlugu. Suliartornissamut piffissat nikerartuupput, taamaattumik sunngiffimmi qimminik angalaaqatiginninnissamut, pisuttuaqatiginninnissamut, arpaqatiginninnissamut sungiusarnissamullu periarfissaqarluarpunga.

Aalborg Universitetimi nipilersornermik ilinniagaqarsimalluni ukiorpassuarnilu nipilersortartutut, nipilersortitsisartutut, suliffeqarfiutilittut, aaqqissuussisutut ilinniartitsisutullu misilittagaqarluarluni Jacob Froberg 2006-imi Sisimiuni nipilersornermik ilinniarfimmik Serravimmik aallartippoq.

2014-imi nipilersortartut festivaliat Arctic Sounds aallartippaa, ullumikkullu ukioq kaajallallugu Issittumi, Nunani Avannarlerni nunarsuarlu tamakkerlugu attaveqaatit aqqutigalugit piginnaanngorsaanermik, aaqqissuussinermik kalaallillu nipilersugaannik avammut tuniniaanermik suliaqartartoq.

Hansa við Stein Olsen Sisimiuni peroriartorpoq, suliffini pissutigalugu Kangerlussuarmi najugaqarsimalluni Aalborgimilu ilinniartuusimalluni.

1998-2001 Niuernermik Allaffeqarnermillu Ilinniarfimmi ilinniarpoq, 2011-2013-imilu mersortarnermik, ilusilersuinermik ilusilersuisarnermullu ilinniarluni. 2021-miillu namminersortunngorsimalluni.

Diddan niuertarfiuteeqqamik ingerlatsivoq, nammineq aningaasarsiutigalugu nioqqutissanik tunisassiortarpoq. Nammineq annoraassianik/kjolinik naalungiarsuit inersimasullu atisassaannik piniarneqartunik mersortarluni.

Anette Grønkjær Lings akunnittarfimmi pisortaavoq misilittagaqarluartoq, siulersuisuni ilaasortaavoq aallarnisaallunilu, Kalaallit Nunaannilu, pingaartumik Sisimiut eqqaani, takornariaqarnerup ineriartortinnissaanut annertuumik tapersersuisuuvoq. Pinngortitap periarfissai tunngavigalugit najukkami nioqqutissanik ineriartortitsineq immikkut ittumik sammisimavaa, ilaatigut asimi tammaarsimaarfiit aamma ukiukkut takornariartitsinerit, kiisalu nunap immikkoortuata pilerinartuunera nukittorsarumallugu nioqqutissanik ineriartortitsineq nittarsaassinerlu.