Side events
Kalaallit Nunaat ukiuni qulini tullerni – nunarsuarmi aaqqissugaaneq nutaaq?
Qanoq iliorluta issittumi aningaasarsiorfissatut periarfissarujussuit piviusunngortissinnaavagut? Annertuumik aatsitassarsiulernissamut nukissiulernissamullu suunuku aporfiusut, aamma sumiiffimmi inatsisiliorneq nunarsuarmi politikerit soqutiginninnerannut qanoq sunniuteqarpa?
Oqallisigitinneqassapput aningaasalersuinissamut pisariaqartitat ,aammalu siunnersuusiorfigitinneqassallutik kikkut suullu pillugit niueqatigigutsigit angusaqarnerpaassanersugut.
Aqutsisoq: Mads Qvist Frederiksen, Executive director of the Arctic Economic Council (AEC)
Oqallitsinneqartut: Heather Exner-Pirot, Bo Lidegaard (TBC)
Tuluttut ingerlanneqassaaq
Silassorissuuanik atuinikkut Kalaallit Nunaata periarfissai suli iluaqutigineqanngitsut
Silassorissuusiaqarneq siaruariartupilooqisoq qarasaasiat iluiniinnaq ingerlanneqanngilaq, aammali qarasaasiatigut paasissutissaateqarfissuit, nukissaq internetsikkullu aqqutit atorlugit piviusunngortarpoq. Kalaallit Nunaat allani pigineqanngitsunik periarfissaqarpoq qarasaasiatigut toqqortaasivissuaqarfissatut, tamakkuami piviusunngorsinnaapput nillertunik avatangiiseqarlutik, nukissanik ataavartunik pinngortitameersunik ingerlateqarlutik aammalu eqqarsaatigilluakkamik inissisimallutik. Uani oqallinnermi paasiniarneqassaaq silassorissuusiat qarasaasiatigullu paasissutissaateqarfissuit Kalaallit Nunaannut periarfissanik sunik ammaasinnaanersut, aammalu piumasaqaatit suut atorlugit sumiiffinnut iluanaarutaasunngortinneqarsinnaanersut politikkikkut aalajangersaallaqqinneq aqqutigalugu.
Aqutsisoq: Signe Ravn-Højgaard, allartitseqataasoq pisortarlu, Tænketanken Digital Infrastruktur
Oqallitsinneqartut: TBA
Qallunaatut ingerlanneqassaaq
Suliffeqarfiit innuttaasut ataatsimoorfeqarnissaannik aningaasalersuisarnerat
Suliffeqarnikkut timilu atorlugu sunngiffimmi sammisaqartarnerup saniatigut allat timiminnik atuinerunissaannik suliaqarnissamut nukissaqartarneq misissorneqassaaq.
Qanoq iliornikkut inuiaqatigiit kalaallit timiminnik atuinerulernissaat anguneqarsinnaava, tassuunakkullu amerlanerusut peqqinnerullutillu inoqatitik peqatigalugit suliaqarnissamut nukissaqarnerulerlutik? Qanoq iliornikkut NGO't akornanni suleqatigiinnerulernissat pissutissaqartinneqalersinnaappat, aammalu qanoq suliffeqarfiit NGO'llu suleqatigiinnerunissaat anguneqarsinnaava?
Aqutsisut: Michael Binzer & Inaluk Brandt, Visiobox.
Oqallitsinneqartut: Jonas Jensen, Kalaallit Nunaanni Timersoqatigiit Kattuffiat allallu. TBA
Qallunaatut ingerlanneqassaaq
Aningaasalersuinikkut siunissarput
Kalaallit Nunaat akuttunngitsunik aningaasalersuiffigisassaqqissutut taakkartorneqartarpoq. Oqallitsinneqartut sammisussaavaat suliniutit piviusut ima siuarsimatigilersimasut aallartinneqariaannanngorlutik. Ilanngullugu aamma eqqartussavaat issittuni allani aningaasalersuiffissaqqissut. Suut pissutaappat aningaasalersuerusunnermut, aammalu aporfiit suut naammattoorneqartarpat, kiisalu alloriarnerit tullinnguuttut suuppat – Kalaallit Nunaannut aningaasalersuerusuttunullu?
Kalaallit Nunaanni suliniutit angisuut qulaajarneqarnerat paasisaqarfigineqarsinnaavoq, siunissamilu Kalaallit Nunaanni aningaasalersuinikkut aallarnisarneqarsinnaasut ilisimasaqarfigineqalerlutik.
Aqutsisoq: Peter Thagesen, Head of Geopolitics, Dansk Industri
Oqallitsinneqartut: Charlotte Boline Jepsen, CIP Foundation (TBC) aamma TBA
Qallunaatut ingerlanneqassaaq
Sakkulersunngikkaluarluni issittumi sorsuunneq – siooranartut qanoq sillimaffigisinnaavagut?
Sammineqartumi Kalaallit Nunaata issittullu nutaalianik aarlerinartorsiortitaanerat pineqarpoq. Hybridinik taaneqartartut tassaasinnaapput paasissutissanik eqqunngitsunik saqqummiussuinerit, qarasaasiatigut saassussinerit imaluunniit nunanit allaniit tatisimaneqarneq. Saqqummiussukkatigut oqallinnikkullu qulaajarniarneqassapput ilaatigut makku: Paasissutissatigut sunniiniarnerit, qarasaasiatigut saassunneqaratarsinnaaneq, pilersorneqarnikkut isumannaallisaaneq periusissiornikkullu sunniuteqarsinnaaneq. Tamakkuttaaq Kalaallit Nunaanni inuiaqatigiinnut, oqartussaaqatigiinnermut isumannaallisaanermullu qanoq sunniuteqarsinnaanerat isumaliutigineqassaaq. Sammineqartumi pineqarput politikikkut aalajangiisartut, suliffeqarfiit issittumilu isumannaallisaanermik soqutiginnut ingerlataqartullu.
Aqutsisoq: Dansk Industri TBA
Oqallitsinneqartut: TBA
Qallunaatut ingerlanneqassaaq
Inuussutissarsiorneq Naalagaaffeqatigiinneq 2.0-imi qanoq sunniuteqassava
"Uagut pineqartilluta pinngitsoorata peqataasassaagut" aamma "Greenland is open for business" tusartualerpavut Naalagaaffeqatigiinneq eqqartorneqartillugu.
Kalaallit Nunaata ukiuni qulikkaani arlalinngortuni inuussutissarsiornikkut ineriartorneq allanik sunnerneqarani ingerlakkumallugu ilungersuutigaa. Kalaallit danskillu nunaminni naalakkersuisunngortartut taarseraakkaluarlutik siunertamik tassannga anguniagaqarnertik qimanneq ajorpaat. Ilanngulluguttaaq piumasaqaataalerpoq Naalagaaffeqatigiinnerup nutarsarneqarnissaa, nunarsuatsinnilu pisut kingulliit pisariaqartitsineq taanna sakkortunerulersiinnarpaat.
Oqallitsinneqartut ujartorniartussaavaat Kalaallit Nunaanni inuussutissarsiorneq qanoq nukittorsarneqarsinnaanersoq Naalagaaffeqatigiinnerup ineriartortinnera ilutigalugu. Naalagaaffeqatigiinneq 2.0 aqqutigalugu suliffeqarfiit, aningaasalersuinerit iluaqutigeqatigiillunilu suleqatigiinnerit eqqarsaatigilluakkanik sinaakkuserneqarnissaat inuussutissarsiortut qulakkeerniassavaat. Kikkut siuttuussappat – qanorlu iliorluta pitsaanerpaamik angusaqarsinnaavugut?
Inuussutissarsiortut, politikerit atorfillillu oqallitsinneqassapput aqutsisoralugu Martin Breum, ukiuni arlaqalersuni Issittoq, Naalagaaffeqatigiinneq aamma Kalaallit Nunaat ilisimasaqarlualersimasoq.
Aqutsisoq: Martin Breum
Oqallitsinneqartut: TBA
Qallunaatut ingerlanneqassaaq
Inuit nunaanni niueqatigiinnikkut aporfiit – qanoq iliorluta periarfissanik nutaanik pilersitsissaagut
Uani sammissavagut Inuit nunaat akimorlugit niueqatigiissinnaanermi unammillernartut qanorlu taakkua akiorniarneqarsinnaanersut. Alaskamiit, Canadamiit Kalaallit Nunaanniillu assersuuteqartarnikkut takutinneqassaaq suut iluatsittarnersut aammalu aporfiit ullumimut akimmisaartitsisut suut niueqatigiinnerunissamut aningaasaqarnikkullu piujuartitsisinnaanermut suli akornutaanersut.
Aqutsisoq: Mads Qvist Frederiksen, Executive director of the Arctic Economic Council (AEC) & Aviaja Isaksen, ICC Greenland
Oqallitsinneqartut:
PT Capital (TBC)
Makkivik (TBC)
NunaGreen (TBC)
Nalik Ventures (TBC)
Canadian representatives (TBC)
Tuluttut ingerlanneqassaaq
Issittumi takornariartitsineq – annertusaanikkut Kalaallit Nunaannut iluaqutinngortitsineq
Takornariartitsineq aqqutigalugu Issittummi sumiiffinni ataasiakkaani misileraasoqarsinnaavoq pigineqartut killeqartut iluanni naleqarnerulersitsiniarnermik siunertalinnik. Taamaaliornikkut sumiiffinni nalugallit piginnittuunermikkut, sulinermikkut atuinermikkullu najukkaminni nukittunerulersinneqarsinnaapput. Suleriaatsimi taamaattumi suliffeqarfinnik niueriaatsit nutaat atuutsinneqalersinnaapput, iluarsaassinissanut aserfallatsaalisarnertigullu periarfissat pitsanngortillugit, atortorissaarutinik arlariiulluni ataatsimoorussisarnikkut, utertitsisarnikkut atoqqiisarnikkullu aaqqissuussilluarnikkut aammalu nutaanik pisiniarnermi piumasaqaatit ersarissarnerisigut. Oqalliffimmi uani Kalaallit Nunaanni nunanilu avannarlerni allani misilittakkat saqqummiunneqassapput. Siunertaavoq suliniutissat piviusorsiornerpaat nassaariniarnissaat misileraanerillu qanoq ittut aallarnisarnissaannik aalajangiussaqarneq.
Aqutsisoq: Catrine Barth, Nordic Circular Hotspot
Oqallitsinneqartut: TBA
Tuluttut ingerlanneqassaaq
