2022: INERIKKIARTORNERMI OQALUUSERISASSAQ NUTAAQ – SUUT SAKKUGINEQASSAPPAT – TAKORLUUKKANIIT ILIUSEQARNERMUT?
Tamannarpiaq qulequtaralugu inuussutissarsiornermi ataatsimeersuarneq ulluni marlunni 17.-18. 2022-imi kulturikkut illorsuarmi Katuami Nuummi ingerlanneqarpoq. Oqalugiartuni peqataasut siammasissorujussuusimapput, assiginngitsut soorlu; assigiinngissutsit, Naalagaaffeqatigiinneq, aningaasaqarnermi politikki, piujuartitsineq, Kalaallit Nunaat 2050-imi, suleqatiginnissinnaanerit, takornarialerineq, meeqqat atuarfiat aammalu illersornissaqarfik isumannaallisaanerlu eqqartorneqarsimallutik.
Inuussutissarsiuteqarnermi ataatsimeersuarnerup takorluukkat inuiaqatigiinnut peqqinnartuuneri aallaavigilluinnarlugit tunngavigilluinnarlugillu ingerlanneqarpoq, annermik piviusunngortinniarnerini iliuuseqartarsimanerit eqqortuusimappata. Ataatsimeersuarnerup Kalaallit Nunaata aningaasaqarnikkut namminiilivikkiartornissaa tapersersorpaa, taamatullu aamma inuiaqatigiinni takorluukkamut ornitamut piviusunngortitsinissamullu sakkussanik iluaqutaasinnaasunik aamma qaqilerilluni ingerlasoqarluni.
Oqallisissiarinninnerit oqallinnerillu kalaallisut, danskisut tuluttullu ingerlanneqarput aamma ataatsimeersuarneq tamarmiusoq KNR-ikkut internettikkoorlugu malinnaavigineqarsinnaasimavoq. Inuit 420-it ataatsimeersuarnermi, Nuummi ingerlanneqartumi najuullutik peqataapput. Peqataasut nunanit assigiinngitsunit qulaaluaneersuupput.
Pilersaarutit
Future Greenland 2022 pilersaarutit uani atuaruk
Peqataasussat allattorsimaffiat 2022
Future Greenland 2022 peqataasussat allattorsimaffiat 2022 uani takukkit
Assit Videolu
Future Greenland 2022 assit uani takukkit
Future Greenland 2022 video uani takukkit
Nalunaarusiaq
Nalunaarusiap massuma inerniliinerit, oqaaseqaatit alaatsinaannerillu 2022-imi ataatsimeersuarnermi pisut eqqikkarlugit nassuiaateqarfigai. Nalunaarusiap inuutissarsiuuteqarnermi ingerlatsisut aammalu Kalaallit Nunaani Danmarkimilu politikkikkut suliaqartut tunaartaralugit allataavoq. Tassani siunertaavortaaq oqaloqatigiissinnaanissamik pilersitsinissaq, taamatullu aamma Kalaallit Nunaata aningaasaqarnikkut kiffaanngissuseqarnerulernissaanut aqqutissiuinissamut sinaakkutat eqqortut pilersinnissai aammalu minnerunngitsumik apeqqutit eqqortut tamatumani qaqinneqarnissai.
