Saqqummiisussat

Aaja Issittumik qinikkat sinniisaannut siulittaasuuvoq aammalu Folketingimi ilaasortaalluni 2015-imili IA sinnerlugu. Siusinnerusukkut Inatsisartuni ilaasortaalluni, Meeqqanut Oqaaseqartartuusimalluni, Kommuneqarfik Sermersuumi pisortaasimalluni aammalu Immikkut ilisimasalittut ilaasortaalluni (Associate Expert) FN-imi New York-imiittumi.

.

Aqqalu Jeremiassen Atassut sinnerlugu Inatsisartunut kommunalbestyrelsemullu ilaasortaavoq, partiimullu siulittaasuulluni.

Aqqalu serviceøkonomitut ilinniarsimavoq takornariaqarneq immikkut sammisaralugu. Ilulissat Water Safari takornariaqarnermik sammisaqartumut piginneqataanikuuvoq.

2017-imi kommuneqarfimmut qinersisoqarmat Avannaata Kommunianut Atassut sinnerlugu kommunabestyrelsemut ilaasortanngorpoq. 2021-mi kommunenut qinersisoqarmat qinigaaqqippoq. Tamakku saniatigut aamma viceborgmesteritut inissisimafeqarsimavoq.

2018-imi Inatsisartunut qinersisoqarmat qinigaavoq. Qinersinerup kingorna Kim Kielsen naalakkersuisooqatgiiinnik pilersitseqataaffigaa, naalakkersuisoqatigiillu tulleriit marluk nalaanni niuernermut nukissiuuteqarnermullu naalakkersuisuuvoq. 2019-imi Sivert K. Heilmann Atassumi siulittaasutut kingoraarpaa.

Aviâja Lyberth Hauptmann (arnaq inuk Kitaamioq) professorimut ikiortaavoq Ilisimatusarfimmi – Grønlands Universitet, aammalu Københavnip Universititiitiani. Aviaaja suliaraai pinngoqqaatinik ilisimasaqarnerulernissanik, kulturikkut aammalu inuiaqatigiinnut pingaarutilinnik Kalaallit Nunaani nerisatigut pigisatsinnik pingaartitsisuulluni aammalu Kalaallit Nunaanni uumaatsunik ilisimatuussutsikkut ilinniarsinnaanermik siullerpaamik inerisaalluni: Sila biologiimi bacheloriulluni.

Lumina Sustainable Materials A/S

Britta Keldsen inatsisilerituujullunilu Arctic Law-mi partner’tut inissisimavoq, inuussutissarsiornermi pisinnaatitaaffiit pingaarnertut suliaralugit, Kalaallit Nunaanni nunaqavissut aammalu nunat tamalaat akornanneersunik sullitaqarluni. Britta namminersorluni suliffiuteqarneq 2012-miilli ingerlatarilerpaa taavalu 2010-miit inatsisilerituutut ingerlasimalluni. Britta Kalaallit Nunaanni inuussutissarsiornermi soqutigisaliuvoq, suliffeqarfiit Kalaallit Nunaanneersut siulersuisuini ilaasortaalluni taassumallu avataasigut nunatsinneersut Naligiissitaanermut Siunnersuisooqatigiit, Kalaallit Nunaanni suiaassutsikkut naligiissitaanerunissamik suliaqartuni, siulittaasuulluni.

Chris Barton Ataqqinartorsuup Kunngip Charles-ip niuffannermut Europami kommisærerivaa akisussaaffigalugit niuffanneq aningaasaliissutillu Tuluit Nunaata europamilu nunat allat Israel-illu akornanni.  Aggustimi 2021-imi tassani sulilluni aallartissimavoq.Ataqqinartorsuup Kunngip Charles-ip Europami Niuffannermut kommisæriatut ivertinneqanngikkallarami, gymnasiami ilinniartitsisutut ukiuni tallimani sulisimavoq, taassumalu kingorna ukiuni 15-ini pisortat aqutsisoqarfiini sulisimalluni. Qaffasissumik atorfilittut assigiinngitsuni arlalinni imikkoortortaqarfinni inuussutissarsiornermut nukissiornermut aamma nunanut allanut ministeriaqarfinni sulisimavoq. 

1. November 2020-miilli Sulistisisuni pisortaaneq. Siusinnerusukkut Air Greenland-imi niuernermut pisortaasimasoq. Visiobox Consulting Nuummi siunnersuisarfittut suliffeqarfimmik pilersitseqataasimasoq, aqutsinermut pilersaarusiornermullu ineriartortitsinermik pisortani namminersorlunilu inuussutissarsiuteqartunut suliaqartarsimasoq. Christian Keldsen cand.jur. ilinniarsimasuuvoq aammalu England Nordirland-imullu konsuliulluni.

Christian Vintergaard Fonden for Entreprenørskab-mi CEO-tut inissisimavoq aammalu Fonden for Entreprenørskab Kalaallit siulersuisuini ilaasortaalluni.

Siulersuisut arlallit peqataaffigivai aammalu ingerlatsitseqatigiiffiit namminersortuusunut ataatsimiitsitaliaanut, NGO-nut aammalu pisortat ingerlatsinerinut assigiinngitsunut siunnersuisartuulluni. Aallarnissaanermi, teknologi nutaanut, niuernermi periusissiornernut, aningaasaqarnikkut annertusaanermut aammalu namminersorluni pisortaniillu ingerlatanut politikkiinut ilinniarsimasut naapisinnissaanut suliaqarneq tunniusimaffigisarivaa. Nunat tamalaat akornanni, ingammik USA-mi attaveqaatinik ulikkaarpoq taamatuttaarlu aallarnisaanermi, inuusuttunut teknologiimi nunap iluani nunallu tamalaat akornanni ilisimasalittut ilisimaneqaatigalugu.

.

Elna 1. januar 2022 aallarnerfigalugu IMAK siuttuuffiginikuuaa.
Maniitsumi inunngorlunilu peroriartorpoq ilinniartitsisutullu 1996-mi naammassilluni.

Ilaatigullu ukiut 15-nik Atuarfik Kilaaseeraq Maniitsumiittumi atuarfiup pisortaatut atuuffeqarsimalluni.

Emile Hertling Péronard filmiliortartuuvoq Oscar-innersuunneqarnikoq, saqqummersitsiviit Ánorâk Film aamma Polarama Greenland peqatigalugit nunatsinneersunik filmiliorsimasut taakkulu filmfestivalinut soorlu Cannes, Venedig, Berlinale aamma Sundance. Ukiut qulit sinnerlugit nunatsinni filmiliortarnerup silarsuaa pitsaanerusunik atugassaqalernissaa sulissutigisimavaa, aammalu Arctic Indigenous Film Fund aamma ARTEF – The Anti-Racism Taskforce for European Film siulersuisuiniilluni.

Emma 2020-miilli naalagaaffeqatigiiffitsinni tuluit nunanut allanut aallartitaatut sulisimavoq. Danmarkimi toqqagaanermi sioqqullugu Bulgariami aamma nunanut allanut aallartitaasimalluni. Inatsisilerituutut ilinniarsimasuuvoq ilaatigullu aamma nunassittarnermut, nunassikkallarnernut, EU-pisinnaatitaaffiit pisullu qanimut malinnaaviaglugit, nunat tamalaat akornanni pillaanermut pisinnaatitaaffiit, aaqqissuussaasumik pinerluttulerinerit aammalu arnanut persuttaanerit suliarisarsimallugit.

Eva Skeel Nolsø aqutsisutut misilittagaqarluarpoq piujuartitsineq, tuniniaasarneq aamma aaqqissuussaanermik ineriartortitsineq immikkut sammisarlugit. Føroya Telemi tunisassianik ineriartortitsinermi, tuniniaanermi sulisoqarnermullu tunngatillugu misilittagaqarnermigut suliffeqarfimmik iluatsittumik ingerlatsivoq. Eva Copenhagen Business Schoolimi Business Administration and Psychology-mi cand.mag.-itut ilinniagaqarsimavoq aningaaserivinnilu sulisimasimalluni, taamaattumillu ilinniarsimassutsikkut misilittagaqarluarlunilu aqutsisutut misilittagaqarluarpoq.

Frederikke Antonie Schmidt suliffeqarfik roccamore pilersitaraa, nunarsuatsinni arnat nukittuneralutik inissisimalernissaannut ilaatigut anguniagaqarluni. Roccamore kimmikkaanik kusanartunik sanasarpoq, timi pissusaanut tulluuteqqissaartunik kimmilersukkanik. Italiami assaannarmik sanaat aammalu Hvidovre Napparsimaviani ilisimatuussutsikkut misilittarneqartartunik.

Roccamore december 2014-mi aallartippoq, nittartakkatigut Kickstarter aqqutigalugu nittarsaassinermigut 306-it skuut illugiit akigalugit. 2021-mi roccamore 30.000-nik illugiinnik akigisaqarsimavoq taamaasillunilu E-niuernikkut akissarsitinneqartartumik ajugaalluni, B2C suliffeqarfittut pitsaanerpaatut 100mio. Ataallugit, taamatuttaarlu Børsen Gazelle aammalu Gazelle immikkoortortami Københavnimi aamma ajugaalluni.

Frederikke aamma ByFounders Collective Kolding Designskole-aniit aallartitatut issiavoq, 2021-milu naalakkersuisuniit Mode og Tekstil eqeersaqqinnissaanut eqimattami siulittaasuusimalluni.

Guðlaugur Þór Þórðarson-i Islandimi avatangiisinut-, nukissiornermut  klimaministeriusimavoq 2021-ip naalerneranninngaaniit.
Islandip Universitetiani bachelor-itut Statskundskabimi ilinniagaqarsimavoq islandillu politikkiani assigiinngitsunik suliaqarluni inissisimasimavoq. 
Guðlaugur Þór-i Reykjavikkip Qinersivianiit Avannarlermi 2016-imiilli inatsisartunut ilaasortaasimavoq, tassanilu Namminersortunngorniallu Partiiat sinnerlugu ilaasortaasimalluni. Ataatsimiititalianut siulittaasutut inissisimasarsimavoq soorlu avatangiisinut ataatsimiititaliamut aamma ataatsimiititaliani allaniittarsimavoq soorlu aalisarnermut ataatsimiititaliami aamma peqqinnissamut ataatsimiititaliami.

Politikkimi suliaqarluni aallartinnginnermini Guðlaugur Þór-i suliassaqarfinni assigiinngitsuni pisortatut atorfeqartarsimavoq misilittagaqarluarlunilu, taassuma ataani aningaaserivinni- sillimmasiisarfinnilu siulersuisunut akuusarsisimalluni.Inuiaqatigiit kattuffiini siunnersuisunullu ataatsimiititalianut, soorlu Borgarness-ip Pilersaarusiornermut ataatsimiititaliaanut Namminnersortunngorniallu Partiiata Inuusuttunut Immikkoortortaqarfiani.

VisioBOX ApS.

Inga Dóra G. Markussen tusagassiornerup silarsuaaneersuuvoq aammalu suliffiit assigiinngitsorpassuit aqqutiginikuullugit, ilaatigut aaqqissuussisutut tusagassiorfinni assigiinngitsuni, generalsekretæritut Nunat avannarliit killerni aammalu politikkikkut aqutsisutut Siumumi. Ullumikkut Air Greenland-imi suliffigalugu piujuaannartitsinissamik aammalu suliffeqarfimmit attaveqatigiinnermut akisussaasuulluni taaguuteqartinneqarlunilu Chief Sustainability Officer. Inga Dóra islandimiusut, Kalaallisut, qallunaatut aammalu tuluttut oqaluttarpoq. 

Inooraq Brandt Rambøll Grønland A/S-imi pisortaanertut inissisimavoq, 2023-ilu aallarteriitsiartoq CSR Greenlandimi siulersuisunut ilaasortanngorpoq.
Inooraq arktisk ingeniøritut kandidateqarpoq geofysik aamma geteknik pingaarnertut sammisaralugit.

Jacob Nitter Sørensen Air Greenland Groupimi pisortaavoq. Jacob Nuummiuuvoq, ukiut 25-t sinnerlugit timersartortitsinermut tunngasunik suliaqarpoq, taakkunanilu ukiut 20-t Air Greenlandimiilluni. Ukioq 2000-mi suli inuusuttuulluni Air Greenlandimiilerpoq timmisartumi aquttutut, timmisartullu assigiinngitsut aquttuuffigereerlugit ilinniartitsinermi aqutsisuuvoq, timmisartortartuunertut, ingerlaarfissat aaqqissuuttarnerini pisortatut atorfeqareerluni 2017-imili maaji qaammat Air Greenland Groupimut pisortanngorpoq.

Jens Frederik Nielsen Inatisartunut ilaasortaavoq Demokratillu sinnerlugit Naalakkersuisuunikuulluni, maannakkullu partiminnut siulittaasuuvoq.

Jens Frederik Nielsen inuiaqatigiilerinermik 2016-imi Ilisimatusarfimmi ilinniagaqarpoq.

Juuni 2020-mi Jens Frederik Demokraatinut siulittaasunngorpoq partiiat ukioq ataasingajak siulittaasoqanngereersorlu. Taamatut qiningaanngitsiarnermini Kim Kielsenip arfineq aappassaa naalakkersuisoqatigiinngortitsimmat naalakkersuisuuvoq. Taamatullu atuuffeqarpoq 2021 tikillugu Demokraatit naalakkersuisoqatigiinnit tunuarmata. 2021-mi Inatsisartunut qinersisoqarmat, naak partiiat kinguarujussuaraluartoq Inatsisartunut qinigaavoq.

Jens Heinrich, sinniisoqarfimmi aqutsisoq, Københavnimi Kalaallit Nunaata Sinniisoqarfia – Ilisimatusarfimmi cand.mag aamma Ph.D. (Eske Brun aammalu Kalaallit Nunaat nutaajusoq pilersinneqarnera inaarutaasumik allaaserinnissimasoq)

Jess G. Berthelsen SIK kattuffianni ukiut 33-it siulittaasuusimavoq. Taassumap avataasigut Utoqqalinersiassanut aningaasaateqarfimmi SISA, Sulisartut Højskoleat Qaqortumi siulersuisuini siulittaasuusimalluni aammalu Kalaallit Nunaanni Akileraartarnikkut Siunnersuisooqatigiivini, Kalaallit Nunaanni Aningaasaqarnermut Siunnersuisooqatigiivini aammalu nunami Inuussutissarsiornikkut aammalu sulisoqarnikkut Siunnersuisooqatigiinni siulersuisuni ilaasortaalluni.

.

Nunaateqarnermut, Imminut pilersornermut, Nukissiuuteqarnermut aammalu Avatangiiseq pillugu Naalakkersuisoq Kalistat Lund

Helikopterini pilotitut sulinermi saniatigut Kalaallit Nunaanni politikkikkut inissisimaffeqartarsimavoq. Politikkikkut suliaqarnermini issiaviit assigiinngitsut issiaffigisarsimavai, ilaatigut Narsaq Kommunemi borgmesteritut 1997 – 2001 tikillugu aammalu Inatsisartunut Ilaasortaq 2013 – 2017 tikillugu. Taassumap avataasigut Inatsisartunut ilaasortap sinniisuattut 2004-2006 inissisimasimavoq aammalu piffissami tassani Namminersorneq pillugu isumalioqatigiissitami siulittaasutut inissisimasimalluni.

Karen Ellemann politiikeriuvoq maannalu januarip aallaqqaataanit 2023-mit atorfigikkamini Nunani Avannarlerni Ministerit Siunnersuisoqatigiivini Allattaanerulluni. Karen Elleman naalakkersuisooqatigiinni arlalinni ministeritut atorfeqartarnikuuvoq, ilaatigut marlussoriarluni Nunat Avannarliit suleqatigiinnerinut naalakkersuisuusimalluni (2010-mi 2017-milu),  Isumaginninnermut Nunamilu Namminermut Naalakkersuisuusimalluni (2009-mit 2015-mut), taamatuttaaq Aaliisarnermut (2017), Naligiissitaanermut (2016) Avatangiisinullu (2010) Naalakkersuisuusimalluni. Partii Venstre tunuliaqutaralugu kingullermik Folketinngimi ilaasortatut inissisimavoq.

Krissie maj 2023-miilli Sulisitsisuni siulittaasuuvoq. Ilaatigut aamma Pascucci aammalu Esmeralda Nuummiittut pisortaaffigai.

Krissie Qeqertarsuarmi Danmarkimilu peroriartorpoq 2001-miillu namminersorluni inuussutissarsiuteqalersimalluni. Tarnikkut katsorsaasartutut aammalu Coachitut ilinniagaqarpoq, aammalu Københavns Universitetimi sociologi ilinniarsimallugu.

Silaannakkut angallatsitseqatigiiffiit aammalu mittarfiit Canadami, USA aammalu Europami ukiut 25-it attaveqaatitigut periusissiornerit, aqqutinik pilersaarusiornerit aammalu suliffeqarfinnik ineriartortitsinernik  suliaqareerluni, Lee maanna Aviation Week Network-mi siunnersuisartutut ikiuulluni Aviation Strategy, ASM-mi Senior Vice President, Aviation Strategy-tut inissisimavoq.

Timmisartuutileqatigiiffinni aqutsisutut WestJet, Aer Lingus aamma Southwest Airlines-mi attaveqaasersuutinut pilersaarusiornerit aammalu timminissanut pilersaarusiornissamut atortorissaarutinik suliaqartarsimavoq. Lee aamma mittarfimmi sulinikuuvoq, Europami, Storbitanniami aammalu Amerikami Vancouver-meersoq Vantage Airport Groups netværk qulinik mittarfiuteqarlutik silaannakkut angallassinikkut kiffartuussinerit ineriartortinnissaanik akisussaasuusimavoq.

Ullumikkut Lee timmisartuutileqatigiiffiit pilersaarusiornerannut, aqqutinik pilersitsinerinut, mittarfiit aqunneqarnerannut aammalu silaannakkut angallannermut tunngassuteqartunik aningaasatigut ineriartortitsinernnut tunngasunik mittarfiit, timmisartuutileqatigiiffiit, attaveqaqatigiinnermut aningaasaliisartunut, nunami aqutsisunut aammalu niuerfimmi tassani tunisassiortunut suliaqartuuvoq. Aamma University of British Columbia Sauder School of Business-mi timmisartuutileqatigiiffiit attaveqaatitigut pilersaarusiornerini aggersagaalluni oqalugiartuusarpoq.

.

Aallarnisaasartoq, atuakkiortoq aammalu ilusilersuisoq. Nunat Avannarliit Siunnersuisooqatigiivisa Avatangiiseq pillugu Nersornaataanut 2022 innersuunneqartoq. Siulersuisunut ilaasortaq aammalu Nuummi niuertarfiutilik.

Mads Qvist Frederiksen Arctic Economic Council (AEC) Trmøs, Norge pisortaaffigaa.

AEC issittumi attuumassuteqanngitsumik suliffeqarfiit ilaasortaaffigisaannik suliniaqatigiiffiuvoq, 2014-mi pilersinneqarsimasoq. Politikkikkut suliaqartartuuvoq, attaveqaatitigut aammalu issittoq pineqartillugu suliassarsiortartuulluni.

Issittoq tamaat issittumi piujuaannartitsineq aallaavigalugu aningaasatigut ineriartorneq suliniaqatigiiffiup siuarsaavigaa. Mads Qvist Frederiksen Issittumi suliffeqarfiit siulersuisuini assigiinngitsuni issiavoq. Kalaallit Nunaanni aammalu Savalimmiuni SMV aqqutigalugit atukkiisartoq Vestnordisk Fond ilaasortaaffigaa.

Nunanut Allanut Politikkeqarnermut Peqatigiiffik/Greenland Foreign Policy Society, siunertaraa nunanut allanut tunngasutigut apeqqutini ilisimasaqarnerulernissamik aammalu soqutiginninnerulernissamik qaammarsaanissamik. Peqatigiiffiup siunertaraa nunanut allanut- aammalu isumannaallisaanermut politikki aaqqissuunnissaa aammalu oqalliffiunissaa isumagissallugu, aammalu qulakkiissallugu oqalliffik ineriartortitsinermik imalik qulequtaanik taamaattunik soqutiginnittunut tamanut periarfissaanissaa. Peqatigiiffik nammineerlutik piumassutsiminnik ingerlatsisunik ingerlanneqarpoq, aammalu siulersuisut piumassutsiminnik sulisut.

.

Pinngortitaleriffik

Mininnguaq Kleist Namminersorlutik Oqartussani Naalagaaffinngornissamut Nunanullu Allanut Naalakkersuisoqarfimmi pisortaavoq, aammattaaq 2007-2009-ip akornanni AC fuldmægtigitut atorfeqarluni.

Naalagaaffinngornissamut Nunanullu Allanut Naalakkersuisoqarfiup Naalakkersuisut nunanut allanut politikeqarnera ingerlataraat, taamatullu Naalakkersuisut Naalakkersuisoqarfiillu allat nunanut allanut sillimaniarnissamullu politikimut tunngasut pillugit siunnersuisuusarpoq, nunallu tamalaat akornanni pissutsinut. Pisortaqarfik aamma nunani tamalaani sammisaqartartunut attaveqarnissamut akisussaaqataasuuvoq.

23 april 2021-miilli Naalakkersuisunut siulittaasoq. 2018-miilli Inuit Ataqatigiit partiimi siulittaasoq. 2015-miilli Inatsisartunut ilaasortaq. Mute Bourup Egede Kalaallit Nunaanni Ilisimatusarfimmi, kultur aamma inuiaqatigiilerineq ilinniarnikuuaa.

Inuussutissarsiornermut Niuernermullu, Aatsitassanut, Inatsisinut aammalu Naligiissitaanermut Naalakkersuisoq. 2009-2016 Inuit Ataqatigiit sinnerlugit Inatsisartunut Ilaasortaq. Naaja H. Nathanielsen cand.psyk. ilinniagaraa aammalu Kalaallit Nunaanni Pinerluttunik Isumaginnittoqarfimmi pisortaasimalluni.

Palle Christiansen Anori A/S-imi juuli qaammat 2021-mili pisortaavoq.

Palle aallartisaasartutut nutaaliortutullu suliaqarnissamut pingaartitsisuuvoq, ineriartornissallu aqqani killeqarfinnik akimuinissamut. Ukiuni 20-ni namminersortutut misilittagaqarpoq, taakkunanilu ukiut 11-t politikikkut suliaqarnermik misilittagaqarfigalugit.
Taamatut tapertariillugit suliaqarnermi ineriartorneq inuiaqatigiit iluanni tamanut iluaqutaasussaq pillugu aallarnisaasarneq paasisaqarluarfigisimavaa.

Pernille Lohmann cand.polit. ilinniagaraa, 1994-miillu aningaasarsiorneq pillugu suliffeqarfinni suliaqartuulluni. Pernille 2019-mi DLR Kredit A/S-mi pisortanngorpoq, dansk erhverv aammalu nunaateqarnermut aningaasaliisartut. Pernille immikkut isiginiagaasa ilagaat piujuaannartitsineq aallaavigalugu minguinnerusumik nukissiuuteqarneq aningaasaliiffiginissai, inuiaqatigeeqarnermut pingaarutilimmik inissisimasoq.

Peter Vesborg DTU Fysik-mi professoriuvoq, Katalytisk omsætning aammalu nukissiuutinik katersinernut taamatuttaarlu seqernup qinngorneranit cellit aammalu seqernernup qinngorneraniit nukissiuutit katersornerinut ilisimatusarluni.

Peter meeraalluni seqernup qinngorneranik nukissiuuteeqqamik sanaqqaarpiarpoq PhD-liaminilu fotokatalytisk energilagring (kunstig fotosyntese). Stanford-imi postdoc kingorna suliffeqarfimmik pilersitsivoq, annertunerusumik seqernup qinngorneranik nukissiuuteqarnermut taknologi immikkuullarissunik tunngaveqartumik.

Peter Professorat avataasigut The VILLUM Power-to-X accelerator (VPX) ilisimatusarnikkut pisortaaffigaa, power to-x spinouts in spe ikorfartuuffigalugu

Siu-Tsiu allattoqarfiani pisortaq. Siusinnerusukkut Nuuk International Friskolemi atuarfimmi aqutsisoq aammalu Ilinniartitaanermut aqutsisoqarfimmi immikkoortumi aqutsisoq.

.

Sara Olsvig nunani tamaalaani Inuit Issittormiut Siunnersuisoqatigiivisa siulittaasoraat, ukiorpaalunni nunaqaqqaarsimasut inuillu pisinnaatitaaffiinik sorsuutiginnittuuvoq . Politikeriuvoq Danmarkimilu Folketingimi ilaasortaavoq (2011-2015), taamatullu Kalaallit Nunaanni Inatsisartunut ilaasortaalluni (2013-2018). Sara Olsvigip Kalaallit Nunaanni tunngaviusumik inatsisissap piareersarneqarnera taamatullu Nunatsinni Inuit Pisinnaatitaaffii pillugit siunnersuisooqatigiit pimoorullugu suleqataaffigisimavai. Sara Olsvig antropologimi MSc-eqarpoq PhD-nngorniarlunilu Ilisimatusarfimmi Inuiaqatigiilerinermut, Aningaanik ingerlatsinermut Tusagassiuteqarnermullu Institutimi.  Sara Olsvig 2023-mi Womenomics Inclusion Awardimik nersornaaserneqarpoq. Sara Olsvig kalaaliuvoq Nuummi inunngortoq, tassanilu aappani qitornatillu najugaqarput 

Aallarnisaasoq.
Siornatigut Ilinniartitaanermut Ilisimatusarnermullu Ministeriusimasoq aammalu Folketingimi ilaasortaasimasoq.

Professor, institut for økonomi, Århus Universitet. Kalaallit Nunaanni Aningaasaqarnermut Siunnersuisooqatigiinni siulittaasoq. Siornatigut Danmarkimi Atugarissaarnermut isumalioqatigiissitami aammalu Aningaasaqarnermut Siunnersuisooqatigiinnit siulittaasuusarsimalluni. Torben M. Andersen m.Sc. London School of Economics-mi ilinniagaraa aammalu lic.oecon. Aarhus Universitet-mi.