Future of Greenland 2024

Nunarsuarmi piujuaannartitsinermik periarfissanik ujartuisoqarpoq aammalu Kalaallit Nunaat tassani inissisimalluarpoq aammalu arlalitsigut peqataasinnaalluarpoq aammalu siunissarput qanoq isikkoqarpa? Aammalu kikkut Kalaallit Nunaata siunissaa pillugu oqalliseqataasinnaap-pat?

Sulisitsisut siullerpaamik inuusuttunut ataatsimeersuartitsinermik ingerlatsilerpoq, tassanilu inuusuttut isummersortartunik aammalu aaliangiisartunik qanimut peqataaffigissallugit. Tassami tamanna pitsaanerussanngila, Kalaallit Nunaata siunissaai peqataatissallugit aammalu sumut siunnerfeqarnissamik tikkiissusussanik peqataatitsilluni? Ataatsimeersuarnermi inuusuttut misigissavaat ”ilumoortumik” inuussutissarsiornermik ataatsimeersuarnermut peqataassallutik aammalu naggataatigut oqariartuutiminnik Naalakkersuisut siulittaasuannut tunniussisinnaassallutik aammalu kingorna Future Greenland-imi peqataasussat tamaasa naapissinnaassallugit, tassalu Nuummi 2024-imi qulingiluassaanik ingerlanneqartussaq.

Qulequttat sammineqartussat tassaapput piujuaannartitsineq aammalu inuiaqatigiit nunap ineriartorneranut peqataanissaat. Qanorililluta attaveqaatit sociale medie-nik taaneqartartut atorneqassappat tassa tamat oqallinneranni, tamat oqartussaaqataanerat (demokrati) sunaava, inuusuttatsinnut suliffissat pissanganartut periarfissaappat nunarsuarmioqataanit-sinni aammalu nipilersortartuuneq aammalu pinngorartitsisuuneq inuussutaasinnaava?……taakkua apeqqutit ilagisinnaavaat, ataatsimeersuarnerup akissutissarsisinnaasaat. Kisianni aamma inuusuttatta inuit pissanganartut politikkerit aammalu sulisitsisut naapissinnaassallugit, oqalliseqataallutik aammalu ataatsimeersuarnermi pisut malugalugit peqataaffigalugit, qulequttat angisuut oqallisigineqalerpata.

Ataatsimeersuarneq akeqanngilaq aammalu namminersortunit aammalu Sulisitsisunit aningaasalerneqarsimalluni.

Future of Greenland nunarsuarmut matut ammarpaai aammalu Kalaallit Nunaata inuusuttaai qaaqqullugit kiisalu unammillerlugit soqutigisallit aammalu isummersortut nunatsinneersut aammalu avatitsinneersut oqaloqatiginissaannut. Sulisitsisut isumaqarput inuit taakkuusut Kalaallit Nunaata siunissaai aammalu taakkuusut Kalaallit Nunaat qanoq siunissami isikkoqassanersoq aaliangiiffigissallugu: The Future of Greenland!

ANINGAASALIINEQ