Sulisitsisut (GE) 14-15. maj 2024 arfineq pingajussaat Nuummi Future Greenland inuussutissarsiornermik oqallitsitsinissaq ingerlatilerpaat.
Oqallinnerit tamarmik sammisassartaqarlutillu qulequtaqassapput taamatuttaarlu 2024-mi immikkut piujuaannartitsinermik aallaaveqarneq qorsuusumullu nikeriarnissaq sammineqassallutik. Sammisat soorlu sulisoqarnikkut kinaassutsikkut siammasissuuneq, nukissiuuteqarneq, FN nunarsuaq tamakkerlugu anguniagai, piujuaannartitsinermik aallaaveqarluni suleqatissat, aatsitassarsiorneq peqqissaartoq il. il. qaqinneqassapput.
GE matumuuna soqutiginnittunut saqqummiinissamut aammalu sammisanut aallaaveqartunik qaqilluni oqallinnissanut periarfissiilluni tikilluaqqusivoq.
1. maj 2023 nallertinnagu saqqummiinissamut/qaqilluni oqallinnissanut siunnersuuteqarnissamut periarfissaqarpoq, uunga: ck@ga.gl.
Siunnersuut ima imaqassaaq:
- Akisussaasup (+ ingerlatseqatigiiffik) aqqa
- Sammisaq ajornanngippallu qulequtaq
- Imarisap naatsukullammik nassuiarnera
- Oqalliseriaaseq (saqqummiineq, qaqilluni oqallinneq il. il.)
- Saqqummiisussat aqqi
- Oqaatsit atorneqartussat (kalaallisut, danskisut imaluunniit tuluttut)
Saqqummiineq 15-20 minut-inik sivisussuseqartarpoq, qaqillunilu oqallinnerit 1½ tiiminik sivisussuseqarsinnaasarlutik.
Sulisitsisut saqqummiinernut aningaasartuutissanik neqerooruteqarsinnaanngilaq, saqqummiisussalli oqallinnissamut akeqanngitsumik peqataasinnaanissaannut periarfississallugit.
Sulisitsisut siunnersuutinut itigartitsisinnaassalluni pisinnaatitaaffeqarpoq.